ডিজিটেল ডেস্কঃ টিনা থাৰানি। য়’ য়’ হানি সিঙৰ নতুন প্ৰেয়সীৰ নাম। শেহতীয়াকৈ দিল্লীৰ এটা অনুষ্ঠানত ৰাজহুৱাকৈ হাতে হাত ধৰি দুয়ো অংশ ল’লে। লগতে সামাজিক মাধ্যমতে হানি সিঙে দুয়োৰে ফটো শ্বেয়াৰ কৰিছে।
দিল্লীৰ অনুষ্ঠানটোত ক’লা পোছাক পৰিধান কৰি দুয়োজনে অংশ লৈছিল। তাৰপাছতে অনুৰাগী মহলত ব্যাপক উচ্ছাসে দেখা দিছে।
উল্লেখ্য যে হানি সিঙৰ নতুন এলবাম ‘পেৰিছ কা ট্ৰীপ’ৰ গানত অভিনয় কৰিছে মডেল অভিনেত্ৰী টিনা থাৰানিয়ে। কেৱল অভিনয়েই নহয়, এলবামটোৰ নামো টিনায়েই ঠিক কৰিছে।
দিল্লীৰ অনুষ্ঠানটোত হানি সিঙে জনায় যে এলবামটোত ১০ টা গান আছে। গানসমূহো তেওঁৰ প্ৰেয়সী টিনা থাৰানিয়েই নিৰ্বাচন কৰি দিছে।
উল্লেখ্য যে গৃহকন্দলৰ বাবে কিছু মাহ পূৰ্বে চৰ্চাত আহিছিল হানী সিং। প্ৰাক্তন পত্নী শালিনী তলোৱাৰৰ স’তে তিনি মাহ পূৰ্বে বিচ্ছেদ হয় তাৰকাগৰাকীৰ। বিবাহ বিচ্ছেদৰ বিনিময়ত হানি সিঙে ভৰিব লগা হয় এক কোটি টকা।
তাৰপাছতে টিনা থাৰানিৰ স’তে সম্পৰ্ক গঢ়িলে হানি সিঙে। অনুৰাগীসকলে ক’ব বিচাৰে যে সংঘাতেৰে জৰ্জৰিত হোৱাৰ পাছত এয়া হানি সিঙৰ নতুন ইনিংছ।
Continue Reading
