নাতিনী ঈশাক নোচোৱাকৈ পুৱাৰ চাহকাপো গ্ৰহণ নকৰিছিল ধীৰুভাই আম্বানিয়ে

ধীৰুভাই আম্বানিয়ে সমগ্ৰ বিশ্বকে প্ৰমাণ কৰি দিছিল যে, কোনো সপোন ইমানো ডাঙৰ নহয় যে তাক  বাস্তৱত পৰিণত কৰিব নোৱাৰি। যদিও আমি তেওঁৰ ব্যৱসায়িক দক্ষতাৰ বিষয়ে জানো,  বহুতে তেওঁৰ নাতিনী ঈশা আম্বানিৰ সৈতে থকা বিশেষ সম্পৰ্কৰ  বিষয়ে নাজানে।

ধীৰুভাই আম্বানিয়ে  ৰিলায়েন্স ইণ্ডাষ্ট্ৰিজৰ আটাইতকৈ ডাঙৰ ব্যৱসায়িক সাম্ৰাজ্য প্ৰতিষ্ঠা কৰিছিল৷ বৰ্তমান তেওঁৰ  উত্তৰাধিকাৰী  মুকেশ আম্বানি আৰু অনিল আম্বানিয়ে এই ব্যৱসায় আগবঢ়াই নিছে৷ ১৯৩২ চনৰ ২৮ ডিচেম্বৰত গুজৰাটৰ এখন  সৰু গাওঁখনৰ এটা  শিক্ষক পৰিয়ালত তেওঁৰ জন্ম হয়। তেওঁ  বিশ্বাস কৰিছিল যে যদি আপুনি দৰিদ্ৰ হৈ জন্মগ্ৰহণ কৰে তেন্তে এয়া আপোনাৰ দোষ নহয়৷ কিন্তু যদি আপুনি দৰিদ্ৰ হৈ মৃত্যুবৰণ কৰে, তেন্তে এয়া আপোনাৰ দোষ। 

১৯৯১ চনৰ ২৩ অক্টোবৰত মুকেশ আম্বানি আৰু নীতা আম্বানিৰ যমজ সন্তান আকাশ আম্বানি আৰু ঈশা আম্বানিয়ে জন্ম লাভ কৰিছিল। এইয়া আছিল ধীৰুভাই আম্বানি আৰু কোকিলাবেন আম্বানিৰ বাবে অতি সুখৰ সময়৷ মুখত সোণৰ চামুচ লৈ জন্ম গ্ৰহণ কৰা দুই নাতিনীয়েকক অতি আদৰৰে ডাঙৰ কৰিছে আম্বানি পৰিয়ালে৷ ঈশা আম্বানিৰ বিবাহৰ পূৰ্বে  হোৱা এটা অনুষ্ঠানৰ সময়ত, তেওঁৰ আইতাক  কোকিলাবেন আম্বানিয়ে  নাতিনীয়েক ঈশা আম্বানিৰ প্ৰতি থকা ধীৰুভাই আম্বানিৰ মৰমক বুজাবলৈ এটি সঁচা ঘটনাক শ্বেয়াৰ কৰিছিল৷ সেই অনুষ্ঠানতে কোকিলাবেন আম্বানিয়ে কৈছিল যে ,ৰাতিপুৱা  নাতিনী ঈশাক তেওঁৰ কোঠালীত গৈ চোৱাৰ পিছতহে দিনটোৰ কাম আৰম্ভ কৰিছিল ধীৰুভাই আম্বানিয়ে৷ আনকি ঈশাক নেদেখালৈকে ৰাতিপুৱাৰ চাহকাপো গ্ৰহণ নকৰিছিল তেওঁ৷ ঈশা ৬ বছৰীয়া হৈ থকাৰে পৰা এই নিয়ম মানি আহিছিল ককাক ধীৰুভাই আম্বানিয়ে৷ লগতে পৰিয়ালৰ আন শিশু সকলৰ ভিতৰতেই ঈশা আছিল তেওঁৰ আটাইতকৈ প্ৰিয়৷