ডিজিটেল ডেস্কঃ বলীউড অভিনেতা ৰণবীৰ সিঙৰ নগ্ন ফটোক লৈ দেশ তোলপাৰ লাগি আছে। সেই ফটোত একাংশ বেয়াকৈ মন্তব্য কৰিছে। আনহাতে কোনোৱে কৰিছে প্ৰশংসা। কোনোৱে কৰিছে ট্ৰ’ল। অভিনেতাগৰাকীৰ বিৰুদ্ধে বহু ৰাজ্যত এজাহাৰো ৰুজু হৈছে। আনহাতে ৰণবীৰৰ অনুৰাগী আৰু একাংশ চেলিব্ৰিটিয়ে এই ফটোশ্বুটক লৈ অভিনেতাজনক সমৰ্থন আগবঢ়াইছে।
ৰণবীৰৰ নগ্ন ফটোক লৈ সৃষ্টি হোৱা বিতৰ্কৰ সন্দৰ্ভত আলিয়া ভাট, অৰ্জুন কাপুৰ, স্বাৰা ভাস্কৰ, মিলিন্দ সোমনকে ধৰি বহু চেলিব্ৰিটিয়ে অভিনেতাজনক সমৰ্থন কৰিছে। এইবাৰ ৰণবীৰ সিঙৰ সমৰ্থনত ওলাই আহিল এগৰাকী কৰিঅ’গ্ৰাফাৰ। নগ্ন হৈ ৰণবীৰক মুকলিকৈ সমৰ্থন আগবঢ়ালে কৰিঅ’গ্ৰাফাৰগৰাকীয়ে। সেই কৰিঅ’গ্ৰাফাৰগৰাকী হৈছে আদিল খান। ৰাষ্ট্ৰীয় পৰ্যায়ৰ নৃত্য প্ৰতিযোগিতা 'ডান্স দীৱানে'ত কাম কৰি জনপ্ৰিয় হোৱা কৰিঅ’গ্ৰাফাৰ আদিলে সাগৰৰ পাৰত নগ্ন হৈ উঠিলে ফটো। এই ফটো আদিল খানে তেওঁৰ ইনষ্টাগ্ৰাম একাউণ্ট যোগে শ্বেয়াৰ কৰে। ফটো শ্বেয়াৰ কৰাৰ লগে লগেই ই ভাইৰেল হৈ পৰে ছ’চিয়েল মিডিয়াত।
একাংশই লগে লগে ৰণবীৰৰ দৰে কৰিঅ’গ্ৰাফাৰগৰাকীকো ট্ৰ’ল কৰিবলৈ আৰম্ভ কৰে। আনহাতে একাংশই আকৌ আদিলৰ এই সাহসক প্ৰশংসাও কৰিছে। কোনোৱে কৈছে, উৰ্ফীৰ পৰা অনুপ্ৰেৰণা পাই ৰণবীৰ নগ্ন হ’ল, এইবাৰ ৰণবীৰৰ পৰা অনুপ্ৰেৰণা পাই আদিল নগ্ন হ’ল। পাছে ট্ৰ’লক কোনো ধৰণৰ গুৰুত্ব দিয়া নাই আদিলে। আদিলে ফটো শ্বেয়াৰ কৰি লিখিলে-''যিয়ে নিজৰ ছালক লৈ কম্ফ’র্টেবল সেই সকলে নিজৰ ইচ্ছা মতে যি কোনো কৰাৰ বাবে স্বাধীনতা আছে।''
Continue Reading
