নদীত কেঁকোৰা ধৰিবলৈ যোৱা মাছমৰীয়াক ডিঙিত আক্ৰমণ কৰিলে বাঘে! তাৰপাছত কি হ'ল?

ডিজিটেল ডেস্ক : নদীত কেঁকোৰা ধৰিবলৈ গৈ বিপদত পৰিল মাছমৰীয়া৷ দক্ষিণৰ মাছমৰীয়া এজনে নদীত কেঁকোৰা ধৰিবলৈ গৈ বাঘৰ চিকাৰ হয়। জানিব পৰা মতে আনদিনাৰ দৰে সেইদিনাও নদীত কেঁকোৰা ধৰিবলৈ গৈছিল তেওঁ৷ আন আন মাছমৰীয়াৰ সৈতে নদীত নামী পৰিছিল তেওঁ৷ এনে সময়তে বাঘটো জঁপিয়াই পৰে মাছমৰীয়াজনৰ ওপৰত। ঘটনাটো পশ্চিমবংগৰ সন্দেশখালীৰ। বাঘৰ আক্ৰমণত মাছমৰীয়াজন গুৰুতৰভাৱে আঘাতপ্ৰাপ্ত হয়। অৱশ্যে বাঘটোৱে মাছমৰীয়াজনক অৰণ্যৰ মাজলৈ টানি নিব নোৱাৰিলে। কাৰণ মাছমৰীয়াৰ আন সংগীসকলে বাঘটোক খেদি পঠিয়ায়। স্থানীয় সূত্ৰ অনুসৰি আহত মাছমৰীয়া আবু তালেব পিয়াদাক জয়নগৰ-কুল্টলী গ্ৰাম্য চিকিৎসালয়ত ভৰ্তি কৰোৱা হৈছিল। অৱশ্যে ইয়াত তেওঁৰ শাৰীৰিক অৱস্থাৰ অৱনতি হোৱাৰ বাবে তেওঁক কলকাতালৈ স্থানান্তৰিত কৰা হয়। মাছমৰীয়াজনক কলকাতাৰ চিত্তৰঞ্জন চিকিৎসালয়ত ভৰ্তি কৰোৱা হৈছে। ঘটনাটো যোৱা শনিবাৰে সন্দেশখালিৰ ২০ নম্বৰ বনাঞ্চলৰ ওচৰত সংঘটিত হৈছিল বুলি জানিবলৈ পোৱা গৈছে।

মাছমৰীয়াসকলে কি দেখিছিল?

প্ৰত্যক্ষদৰ্শীয়ে কৈছিল যে আবু তালেব আৰু মইমুৰ খান নামৰ দুজন মাছমৰীয়াই নদীত কেঁকোৰা ধৰি আছিল। আৰু আন দুজন মাছমৰীয়া কুশ নয়া আৰু আজিম মণ্ডল অলপ দূৰত আছিল। হঠাতে বাঘটোৱে অৰণ্যৰ পৰা ওলাই আহি আবুৰ ওপৰত জঁপিয়াই পৰিল। আবুৰ চিঞৰ শুনি বাকী সংগীসকলক বাঘটোক লাঠি আৰু জোঙেৰে খেদি পঠিয়াই। বাঘটোৱে আবুক এৰি তিনিওজনৰ লাঠিৰে দ্বাৰা আঘাত প্ৰাপ্ত হোৱাৰ পিছত অৰণ্যৰ মাজলৈ পলাই যায়।