ডিজিটেল ডেস্কঃ নেছনেল হেৰাল্ড গোচৰ সন্দৰ্ভত আজি পুনৰ ইডিৰ সন্মুখত হাজিৰ হ’ব কংগ্ৰেছৰ অধ্যক্ষা ছোনিয়া গান্ধী। সমান্তৰালভাবে কংগ্ৰেছে আজি পুনৰ দেশ জুৰি প্ৰতিবাদ সাৱস্ত্য কৰাৰ সিদ্ধান্ত লৈছে।কংগ্ৰেছৰ সূত্ৰই প্ৰকাশ কৰা মতে কংগ্ৰেছৰ অধ্যক্ষা ছোনিয়া গান্ধীক ইডিয়ে দ্বিতীয়বাৰৰ বাবে মাতি পঠিওৱাৰ বিৰুদ্ধে আজি সমগ্ৰ দেশৰ ৰাজপথত পুনৰ এবাৰ কংগ্ৰেছে প্ৰতিবাদ কৰিব।
জানিব পৰা মতে কংগ্ৰেছে সমগ্ৰ দেশতে মহাত্মা গান্ধীৰ প্ৰতিমূৰ্তিৰ ওচৰত প্ৰতিবাদ কৰিব। দিল্লীত কংগ্ৰেছৰ মুখ্য কাৰ্যালয়তো প্ৰতিবাদী কাৰ্যসূচী অনুষ্ঠিত কৰা হ'ব। তথ্য অনুসৰি, ছোনিয়া গান্ধীয়ে আজি দিনৰ প্ৰায় ১১.৩০ বজাত ইডিৰ সন্মুখত হাজিৰ হ'ব।কংগ্ৰেছৰ মতে, দিল্লী আৰক্ষীয়ে ৰাজঘাটত "সত্যাগ্ৰহ"ৰ অনুমতি দিয়া নাই।
ছোনিয়া গান্ধীক প্ৰশ্ন কৰাৰ বিষয়টোত, কংগ্ৰেছৰ সাংসদসকলে মোডী চৰকাৰে ৰাজনৈতিক প্ৰতিহিংসাৰ অংশ বুলি কৈ আহিছে। সোমবাৰে সন্ধিয়া কংগ্ৰেছ নেতাসকলৰ এখন গুৰুত্বপূৰ্ণ বৈঠক অনুষ্ঠিত হৈছিল। দলৰ নেতাসকলেও আজি পুৱা সংসদত মিলিত হ'ব।
ছোনিয়া গান্ধীৰ বাসগৃহ ১০ জনপথৰ কাষত থকা কংগ্ৰেছৰ মুখ্য কাৰ্যালয়ত বৃহৎ সংখ্যক দলীয় কৰ্মীক একত্ৰিত হ'বলৈ নিৰ্দেশ দিয়া হৈছে। অৱশ্যে, সংসদৰ অধিৱেশনৰ প্ৰতি লক্ষ্য ৰাখি, আৰক্ষীয়ে কংগ্ৰেছ কৰ্মীসকলক তেওঁলোকৰ কাৰ্যালয়ত একত্ৰিত হ'বলৈ আৰু প্ৰতিবাদ কৰিবলৈ অনুমতি দিয়া নাই।
নেচনেল হেৰাল্ড গোচৰ সন্দৰ্ভত ২১ জুলাইত ইডিয়ে ছোনিয়া গান্ধীক প্ৰায় দুঘণ্টা ধৰি সোধা-পোছা কৰিছিল।
Continue Reading
