ডিজিটেল ডেস্ক: চমু চাপিছে নিৰ্বাচন৷ ১৭ নৱেম্বৰত মধ্যপ্ৰদেশত অনুষ্ঠিত হ’ব বিধানসভাৰ নিৰ্বাচন৷ কিন্তু, মিৰ্বাচনলৈ প্ৰায় এমাহ থকা সময়ত মুখ্যমন্ত্ৰী শিৱৰাজ সিং চৌহানক দেখা গ’ল অন্যৰূপত৷ ৰাজনৈতিক ব্যস্ততাক একাষৰীয়া কৰি ঋষিকেশৰ গংগাৰ পাৰত নিৰ্জনতাত সময় অতিবাহিত কৰিছে শিৱৰাজ সিং চৌহানে৷
সোমবাৰে ৰাজ্যখনৰ বিধানসভা নিৰ্বাচনৰ বাবে আচৰণ বিধি জাৰি কৰাৰ পাছত ৰাজনৈতিক ধুমুহাৰ মাজতে দেৱভূমি উত্তৰাখণ্ড ভ্ৰমণ কৰে শিৱৰাজ সিং চৌহানে। মঙলবাৰে তেওঁ ঋষিকেশৰ ওচৰৰ গংগাৰ পাৰত নিৰ্জনতাত একান্তই কিছু সময় অতিবাহিত কৰে৷
শিৱৰাজ সিঙে সোমবাৰে সন্ধিয়া ডেৰাডুন বিমানবন্দৰত উপস্থিত হৈছিল। ইয়াৰ পাছত তেওঁ ঋষিকেশৰ ওচৰৰ বদ্ৰীনাথ ৰোডত অৱস্থিত হোটেল আনন্দ কাশীত উপস্থিত হয়।
মঙলবাৰে তেওঁ গোটেই দিনটো হোটেলত কটাইছিল। দুপৰীয়া তেওঁ হোটেলৰ সমীপৰ গংগাৰ পাৰত উপস্থিত হৈছিল, য’ত তেওঁ নিৰ্জনতাত দীঘলীয়া সময় অতিবাহিত কৰিছিল।
সোমবাৰৰ পৰা তেওঁ কোনো অনুষ্ঠানত উপস্থিত হোৱা নাই বা ৰাজহুৱাভাৱে কাকো সাক্ষাৎ দিয়া নাই৷ মুখ্যমন্ত্ৰী শিৱৰাজ সিং চৌহানৰ গংগাৰ পাৰত শিলৰ ওপৰত বহি থকা এখন ছবি এতিয়া ইণ্টাৰনেট মাধ্যমত ভাইৰেল হৈ পৰিছে।
ছবিখনত, তেওঁ হাতত এখন ডায়েৰী লৈ থকা দেখা গৈছিল৷
Continue Reading
