ডিজিটেল ডেস্কঃ কেন্দ্ৰত পুনৰ ক্ষমতা দখলৰ বাবে তৎপৰ হৈ পৰিছে কংগ্ৰেছ তথা ইণ্ডিয়া মিত্ৰজোঁটে। কিন্ত শেষ পৰ্যন্ত চৰকাৰ গঠনৰ বাবে প্ৰয়োজনীয় ২৭২ খন আসন লাভ নকৰিলে ইণ্ডিয়া মিত্ৰজোঁটৰ চৰকাৰ গঠনৰ আশা পূৰণ নহ’ব। সেইবাবেই এনডিএৰ দুই মিত্ৰ দলৰ সৈতে যোগাযোগ স্থাপন কৰিছে ইণ্ডিয়া মিত্ৰজোঁটে। ৰাষ্ট্ৰীয় সংবাদ মাধ্যমৰ খবৰ অনুসৰি ইণ্ডিয়া ব্লকে এন ডি এৰ দুই অংশীদাৰক প্ৰলোভিত কৰিবলৈ কৌশলগত প্ৰস্তাৱ আগবঢ়াইছে। তেলেগু দেশম পাৰ্টি (টিডিপি) আৰু জনতা দল (ইউনাইটেড)ৰ নেতৃত্বক ইণ্ডিয়া মিত্ৰজোঁটে দুটা প্ৰস্তাৱ আগবঢ়োৱা বুলি বাতৰিত প্ৰকাশ।
সেই অনুসৰি নীতিশ কুমাৰক উপ-প্ৰধানমন্ত্ৰীৰ পদৰ প্ৰস্তাৱ আগবছোৱাৰ লগতে অন্ধ্ৰপ্ৰদেশক বিশেষ ৰাজ্যৰ মৰ্যাদা প্ৰদানৰ প্ৰস্তাৱ দিয়া হৈছে বুলি একাংশ ৰাষ্ট্ৰীয় সংবাদ মাধ্যমে খবৰ প্ৰকাশ কৰিছে। ৰাষ্ট্ৰীয় জনতা দলে বিহাৰত সৰ্বাধিক ভোটৰ অংশীদাৰিত্ব লাভ কৰি মুঠ ভোটৰ ২৩% লাভ কৰিছে।২০১৯ চনৰ লোকসভা নিৰ্বাচনত বিহাৰত এন ডি এয়ে আধিপত্য বিস্তাৰ কৰি ৪০খন আসনৰ ভিতৰত ৩৯খন আসন লাভ কৰিছিল।
বিজেপিয়ে ১৭খন আসন, জেডিইউয়ে ১৬খন, আৰু এলজেপিয়ে ৬খন আসন দখল কৰিছিল। কংগ্ৰেছে মাত্ৰ এখন আসনত জয়লাভ কৰিছিল। তেজস্বী যাদৱৰ নেতৃত্বত থকা আৰজেডিয়ে কোনো এখন আসনতে জয়ী হোৱা নাছিল।২০১৪ চনৰ নিৰ্বাচনে পিছে বেলেগ ছবি এখন দাঙি ধৰিছে। সেয়ে জেডিইউ আৰু তেলেগু দেশম পাৰ্টি (টিডিপি)ক হাত কৰি হ’লেও ইণ্ডিয়া মিত্ৰজোঁটে কেন্দ্ৰত চৰকাৰ গঠন কৰিবলৈ চেষ্টা চলাব বুলি চৰ্চা হৈছে।
Continue Reading
