ডিজিটেল ডেস্ক: পাঠান হৈছে বলীউডৰ ছুপাৰষ্টাৰ শ্বাহৰুখ খানৰ পৰৱৰ্তী ছবি। এই ছবিখনৰ বাবে শ্বাহৰুখে নিজৰ ফিটনেছৰ ওপৰত বহু কাম কৰিছে, যিটো আপুনি হয়তো ওপৰোক্ত ফটোখনৰ পৰা অনুমান কৰিব পাৰিব।
পাঠান ছবিৰ জৰিয়তে হিন্দী চিনেমাৰ ছুপাৰষ্টাৰ শ্বাহৰুখ খানে পুনৰ প্ৰত্যাৱৰ্তন কৰিবলৈ ওলাইছে। পাঠান ছবিখনক লৈ যথেষ্ট উৎসাহিত হৈছে অনুৰাগীসকল। এই ছবিখনত দেখা যাব কিং খানৰ চলিড ষ্টাইল। পাঠানৰ হৈ শ্বাহৰুখ খানে নিজৰ ফিটনেছৰ ওপৰত বহুত কাম কৰিছে। ইফালে শ্বাহৰুখে ছ’চিয়েল মিডিয়াত শ্বেয়াৰ কৰা এখন চাৰ্টবিহীন ফটো, য’ত শ্বাহৰুখ খানৰ চলিড বডি আৰু ছয় পেক এবছ স্পষ্টকৈ দেখা গৈছে।
বলিউডৰ ছুপাৰষ্টাৰ গৰাকীয়ে ৪ বছৰৰ পাছত পুনৰ ডাঙৰ পৰ্দালৈ ঘূৰি আহিব পাঠান ছবিৰ জৰিয়তে। এই ছবিখন সন্দৰ্ভত ইতিমধ্যে শ্বাহৰুখ খানে নিজৰ লুক প্ৰকাশ কৰিছে। আজি শ্বাহৰুখ খানে নিজৰ অফিচিয়েল ইনষ্টাগ্ৰাম হেণ্ডেলত এখন বিশেষ ছবি শ্বেয়াৰ কৰে। এই ফটোখনত আপুনি দেখিব যে কিং খানে নিজৰ কঠিন ফিটনেছৰ দৃশ্য উপস্থাপন কৰা দেখা গৈছে।
এই শক্তিশালী ফটোখনৰ জৰিয়তে শ্বাহৰুখ খানেও লিখিছে এটা ধেমেলীয়া কেপচন। ছিস্ক পেক এবছেৰে শ্বেয়াৰ কৰা শক্তিশালী ফটোৱে সকলোকে দৃষ্টি আকৰ্ষণ কৰিছে। চাওক এই তেওঁৰ বিশেষ ফটো আৰু তেওঁৰ ধেমালীয়া কেপচন -
শ্বাহৰুখ খানৰ পাঠান কেতিয়া মুক্তি পাব?
২০২৩ চনক শ্বাহৰুখ খানৰ কামবেক বছৰ হিচাপে গণ্য কৰা হৈছে। আচলতে অহা বছৰত শ্বাহৰুখ খানক পাঠান, জৱান আৰু ডাংকি ছবিখনৰ জৰিয়তে দেখা যাব। উল্লেখযোগ্য যে ২০২৩ চনৰ ২৫ জানুৱাৰীত ছবিগৃহত মুক্তি পাব এই পাঠান ছবিখন। এই ছবিখনত কিং খানৰ উপৰিও ছুপাৰষ্টাৰ জন আব্ৰাহাম আৰু অভিনেত্ৰী দীপিকা পাডুকনেও অভিনয় কৰিছে।
Continue Reading
