ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে মঙলবাৰে নিউয়ৰ্কত টুইটাৰৰ স্বত্বাধিকাৰী ইলন মাস্কক সাক্ষাৎ কৰে। তিনিদিনীয়া আমেৰিকা ভ্ৰমণত আছে বৰ্তমান ভাৰতীয় প্ৰধানমন্ত্ৰীগৰাকী। প্ৰধানমন্ত্ৰী মোদীক সাক্ষাৎ কৰাৰ পিছত ইলন মাস্কে ভাৰত ভ্ৰমণৰ ইচ্ছা প্ৰকাশ কৰি অহা বছৰ ভাৰত ভ্ৰমণ কৰাৰ প্ৰতিশ্ৰুতি দিয়ে৷
মাস্কে নিজকে "মোদীৰ অনুৰাগী" বুলিও অভিহিত কৰে, আৰু তেওঁ প্ৰধানমন্ত্ৰীৰ নেতৃত্বক প্ৰশংসা কৰে। ল’টে নিউয়ৰ্ক পেলেচ হোটেলত তেওঁ কয় যে ভাৰতৰ ভৱিষ্যতক লৈ মই অবিশ্বাস্যভাৱে উৎসাহিত।মই ভাবো যে বিশ্বৰ যিকোনো বৃহৎ দেশতকৈ ভাৰতৰ সম্ভাৱনীয়তা আটাইতকৈ বেছি।
সাংবাদিক ৰাহুল কানৱালৰ সৈতে হোৱা এক আছুতীয়া সাক্ষাৎকাৰত ইলন মাস্কে কয় যে বিখ্যাত ইলেক্ট্ৰিক বাহন (ইভি) কোম্পানী টেছলাই অতি সোনকালে ভাৰতত বিনিয়োগ কৰিব। তেওঁ লগতে কয় যে পূৰ্বে দেশত বিনিয়োগৰ বাবে অতিৰিক্ত কৰ বিচাৰিছিল।কিন্তু সেই সময়ত সেইয়া সম্ভৱ হৈ নুঠিল৷
আৰু পঢ়ক: আমেৰিকাত নৰেন্দ্ৰ মোদীয়ে পালন কৰিলে আন্তৰ্জাতিক যোগ দিৱস; বিশ্বক উদ্দেশ্যি কি ক’লে প্ৰধানমন্ত্ৰীয়ে?
উল্লেখ্য যে আমেৰিকাৰ ৰাষ্ট্ৰপতি জো বাইডেন আৰু ফাৰ্ষ্ট লেডী জিল বাইডেনৰ আমন্ত্ৰণত ২১-২৪ জুনলৈ আমেৰিকা ভ্ৰমণত আছে প্ৰধানমন্ত্ৰী মোডীয়ে।নোবেল বঁটা বিজয়ী, অৰ্থনীতিবিদ, শিল্পী, বিজ্ঞানী, পণ্ডিত, উদ্যোগী, শিক্ষাবিদ আৰু স্বাস্থ্য খণ্ডৰ বিশেষজ্ঞকে ধৰি বিভিন্ন শ্ৰেণীৰ দুডজনৰো অধিক চিন্তাশীল নেতাক সাক্ষাৎ কৰিব প্ৰধানমন্ত্ৰী মোদীয়ে৷
