ডিজিটেল ডেস্কঃ এক ভয়ংকৰ বিমান দুৰ্ঘটনাই জোকাৰি গ’ল নেপালক। বুধবাৰে পুৱা কাঠমাণ্ডু আন্তঃৰাষ্ট্ৰীয় বিমানবন্দৰৰ পৰা উৰা মৰা এখন বিমান দুৰ্ঘটনাগ্ৰস্ত হোৱাৰ ফলত এতিয়ালৈকে ১৯ জন লোকৰ মৃত্যু হোৱাৰ খবৰ আহিছে। কি কাৰণত বিমান খন দুৰ্ঘটনাত পতিত হ’ল সেয়া এতিয়াও জানিব পৰা হোৱা নাই।
নেপালৰ সংবাদ মাধ্যমৰ সূত্ৰ অনুসৰি শৌৰ্য এয়াৰলাইন্সৰ বিমানখন ৰাজধানী কাঠমাণ্ডুৰ ত্ৰিভুৱন আন্তঃৰাষ্ট্ৰীয় বিমানবন্দৰৰ পৰা পোখাৰা অভিমুখে ৰাওনা হৈছিল। খবৰ অনুসৰি বিমান খনত যাত্ৰী আৰু কৰ্মচাৰীকে ধৰি প্ৰায় ১৯ জন লোক আছিল। আজি পুৱা প্ৰায় ১১ বজাত টেক অফৰ সময়তে দুৰ্ঘটনাটো সংঘটিত হয়। বিমানবন্দৰৰ মুখপাত্ৰ প্ৰেমনাথ ঠাকুৰে এই দুৰ্ঘটনাৰ বিষয়ে অৱগত কৰিছে যদিও এই বিশয়ত সবিশেষ প্ৰকাশৰ পৰা বিৰত আছে। দুৰ্ঘটনাৰ কাৰণৰ বিষয়ে এতিয়ালৈকে একো জানিব পৰা হোৱা নাই। ঘটনা সমঘটিত হোৱাৰ পিছতে ততাতৈয়াকৈ কাঠমাণ্ডু আৰক্ষী আৰু অগ্নিনিৰ্বাপক বাহিনীৰ লোকে পৰিস্থিতি নিয়ন্ত্ৰণৰ বাবে ঘটনাস্থলীত উপস্থিত হয়।
আন্তঃৰাষ্ট্ৰীয় সংবাদ মাধ্যমৰ সূত্ৰ অনুসৰি বিমানখন উৰণৰ সময়ত ৰাণৱেৰ পৰা পিছলি পৰে আৰু দুৰ্ঘটনাগ্ৰস্ত হয়। লগে লগে বিমান খনত জুই লাগে। বিমান বন্দৰৰ বহু দূৰৰ পৰা ক’লা ধোঁৱা দেখা গৈছে। কোনো যাত্ৰী বা ক্ৰু জীয়াই থকাৰ সম্ভাৱনা নাই বুলি আন্তঃৰাষ্ট্ৰীয় সংবাদ মাধ্যমে প্ৰকাশ কৰিছে।
Continue Reading
