ডিজিটেল ডেস্কঃ ''নাৰীক শাৰী পিন্ধিলেও দেখি ভাল লাগে, চেলোৱাৰ পিন্ধিলেও দেখি ভাল লাগে আৰু একো নিপিন্ধিলেও মই ভাল দেখো।’’ যোগগুৰু বাবা ৰামদেৱে মহাৰাষ্ট্ৰ এটা অনুষ্ঠানত কৰা এই মন্তব্যই শেহতীয়াকৈ তীব্ৰ প্ৰতিক্ৰিয়া লাভ কৰিছে।
ৰামদেৱৰ এই মন্তব্যক লৈ সৰৱ হৈ পৰিছে দিল্লী কমিছন ফৰ ৱ’মেনৰ মুৰব্বী স্বাতী মালিৱালে। টুইটাৰযোগে ৰামদেৱৰ বক্তব্যৰ ভিডিঅ’ শ্বেয়াৰ কৰি মালিৱালে যোগগুৰুজনৰ পৰা ক্ষমাপ্ৰাৰ্থনাৰ দাবী কৰিছে।
''সকলো নাৰীকে এই মন্তব্যই আঘাট দিছে। বাবা ৰামদেৱজীয়ে দেশবাসীৰ ওচৰত মন্তব্যটোৰ বাবে ক্ষমা বিচৰা উচিত।’’- মালিৱালে টুইটাৰত লিখে।
উল্লেখ্য যে অনুষ্ঠানটোত মহাৰাষ্ট্ৰ উপমুখ্যমন্ত্ৰী দেৱেন্দ্ৰ ফাডনাভিছৰ পত্নী অম্ৰুতা ফাডনাৱিছো উপস্থিত আছিল। ৰামদেৱৰ এই মন্তব্যৰ প্ৰতিবাদ অম্ৰুতাই অনুষ্ঠানটোত কিয় নকৰিলে সেই লৈও উদ্ধৱ ঠাকৰেপন্থী শিৱসেনাৰ নতা সঞ্জয় ৰাউটে প্ৰশ্ন তুলিছে।
ৰাউটে প্ৰশ্ন কৰে যে ৰামদেৱৰ বিৰুদ্ধে মহাৰাষ্ট্ৰ চৰকাৰে কিয় কোনো ব্যৱস্থা লোৱা নাই? মহাৰাষ্ট্ৰ চৰকাৰৰ কণ্ঠ দিল্লীৰ ওচৰত বন্ধকত ৰখা হৈছে নেকি?
Continue Reading
