ডিজিটেল ডেস্কঃ একো হোৱা নাই, সম্পূৰ্ণ সুস্থভাৱেই আছে অভিনেতা সঞ্জয় দত্ত। তেওঁ নিজেই এই কথা ক’লে। বুধবাৰে কানাড়া ছবি ‘কে ডি’ৰ চেটত বোমা বিস্ফোৰণত তেওঁ গুৰুতৰভাৱে আহত হোৱাৰ খবৰে শিৰোনাম দখল কৰে। অনুৰাগীসকল আতংকিত হৈ পৰিল।
কিন্তু সেই খবৰটো ভুৱা, সঞ্জয়ে পাছত এইদৰে কয়। তেওঁৰ ভাষাত "এই বাতৰি সম্পূৰ্ণ ভিত্তিহীন!"
বাংগালুৰুৰ আশে-পাশে থকা অঞ্চলত ছবিৰ শ্বুটিং চলি আছিল। বাতৰি পোৱা গৈছিল যে সেই সময়তে হঠাতে হোৱা বিস্ফোৰণত অভিনেতাজন আহত হয়। লগতে তেওঁৰ হাত, কঁকাল আৰু মুখত আঘাত পোৱা বুলি জানিব পৰা গৈছিল। ইয়াৰ পিছতে ছবিখনৰ শ্বুটিং বন্ধ হৈ পৰে বুলিও কোৱা হৈছিল।
অৱশেষত এই খবৰ বিয়পি পৰাৰ লগে লগে সঞ্জয়ে নিজেই ছ’চিয়েল মিডিয়াত এটা বাৰ্তা প্ৰেৰণ কৰে। তেওঁ লিখিছে, ‘মই আঘাত পোৱাৰ খবৰ দেখিছো। সকলোকে আশ্বস্ত কৰি দিওঁ, এই খবৰ ভিত্তিহীন। একো হোৱা নাই। ঈশ্বৰৰ কৃপাত মই সম্পূৰ্ণ সুস্থ হৈ আছো।”
সঞ্জয়ে লগতে কয় যে ‘কে ডি’ৰ শ্বুটিঙৰ সময়ত তেওঁক অতিৰিক্ত যত্নত ৰখা হৈছিল। তেওঁৰ মতে, “মোৰ প্ৰতিটো দৃশ্যৰ শ্বুটিং কৰাৰ সময়ত দলৰ সকলোৱে অতিৰিক্ত সাৱধানতা লৈ আছে। গতিকে চিন্তা নাই।’’
সঞ্জয় দত্তই ‘কে ডি’ ছবিখনৰ জৰিয়তে সৰ্বভাৰতীয় পৰ্যায়ত ভৰি দিবলৈ ওলাইছে। কানাড়া ভাষাৰ বাহিৰেও এই ছবিখন তামিল, তেলেগু, মালয়ালম আৰু হিন্দী ভাষাত মুক্তি পাব।
Continue Reading
