ডিজিটেল ডেস্কঃ এগৰাকী বিজেপি নেতাৰ আত্মহত্যাৰ ঘটনাই দিল্লীত তীব্ৰ আলোড়ণৰ সৃষ্টি কৰিছে৷ বুধবাৰে নিজৰ মূৰতে গুলীয়াইছিল এজন বিজেপি নেতাই৷ অতি গুৰুতৰভাবে আহত অৱস্থাত তেওঁক চিকিঞসালয়ত ভৰ্তি কৰোৱা হৈছিল যদিও শনিবাৰে তেওঁৰ মৃত্যু ঘটে৷ দিল্লী আৰক্ষীৰ এজন বিষয়াই এই কথা প্ৰকাশ কৰিছে৷
গ্ৰেটাৰ কৈলাশ-১-ৰ বাসিন্দা বিজেপি নেতা কৰণ বাঙ্কাই কিছুদিন ধৰি আৰ্থিক সমস্যাৰ সন্মুখীন হৈ আছিল ৷ সেইবাবেই হতাশগ্ৰস্ত হৈ তেওঁ আত্মহত্যাৰ পথ বাছি লয় বুলি ধাৰণা কৰা হৈছে৷আৰক্ষীয়ে জনোৱা অনুসৰি বুধবাৰে নিশা প্ৰায় ১২:৩০ বজাত বাংকা বাথৰুমত পিছলি পৰি আঙত হোৱা বুলি আৰক্ষীয়ে এটা ফোনকল পাইছিল৷ পৰৱৰ্তী সময়ত তেওঁক মেক্স হস্পিটেলত ভৰ্তি কৰোৱা হৈছিল।
আৰক্ষীয়ে লোকজনৰ মূৰত গুলীৰ আঘাত দেখা পাইছিল বুলি আৰক্ষী উপায়ুক্ত (দক্ষিণ) চন্দন চৌধুৰীয়ে সংবাদমাধ্যমক কয়।
গুলী বাঙ্কাৰ সোঁ কুমেৰে প্ৰৱেশৰ কৰি বাওঁফালে ওলাই গৈছিল। ঘটনাটোত ব্যৱহৃত আগ্নেয়াস্ত্ৰটো অনুজ্ঞাপত্ৰ প্ৰাপ্ত আছিল আৰু সেইটো তেওঁৰ ব্যক্তিগত দেহৰক্ষীৰ আছিলবুলি ডিচিপিয়ে কয়। কৰণ বাঙ্কা ৰাজনীতিত সক্ৰিয়ভাৱে জড়িত আছিল।
Continue Reading
