নিজৰ পছন্দৰ বিয়া নে ৫ লাখ ডলাৰ? কি সিদ্ধান্ত ল'লে পাত্ৰীয়ে...

ডিজিটেল ডেস্কঃ বিগত কেইদিনমানৰ পৰা শিৰোনামত আছে এগৰাকী মডেল। পুৰুষৰ ওপৰত অতিষ্ঠ হৈ পৰা এগৰাকী মডেলৰ নাভূত-নাশ্ৰুত কাণ্ডই এতিয়া সকলোৰে চকু কপালত তুলিছে। পুৰুষসকলক আমনি কৰাতকৈ নিজকে নিজে বিয়া কৰাই শিৰোনাম দখল কৰিছে এগৰাকী মডেলে। নাম-ক্ৰিছ গেলেৰা। কইনাৰ সাজেৰে গীৰ্জাৰ সন্মুখত থিয় হৈ থকা মডেল গৰাকীৰ ছবিও সম্প্ৰতি ভাইৰেল পৰিছে সামাজিক মাধ্যমত। উল্লেখ্য যে, ৩৩ বছৰীয়া ব্ৰাজিলিয়ান মডেল ক্ৰিছ গেলেৰাই নিজকে বিয়া কৰাই সামাজিক মাধ্যমত তীব্ৰ সমালোচনাৰ সন্মুখীন হৈছে।

জীৱনৰ এ‌ই বিশেষ দিনটো কেইগৰাকীমান ঘনিষ্ঠ সংগীৰ সৈতে অতিবাহিত কৰা মডেল গৰাকীক কটাক্ষ কৰিছে একাংশই।অৱশ্যে, সমালোচনাক গুৰুত্ব দিয়া নাই ক্ৰিছে। শেহতীয়াকৈ, ক্ৰিছে এটা আন্তৰ্জাতিক সংবাদ মাধ্যমক সদৰী কৰা অনুসৰি, তেওঁ এজন আৰৱ শ্বেখৰ পৰাও বিৱাহৰ প্ৰস্তাৱ পাইছিল। ক্ৰিছৰ প্ৰেমত ব্যাকুল শ্বেখে বিশেষ অ’ফাৰ প্ৰদানৰো ঘোষণা কৰিছিল।এই ঘোষণাই কাল হ’ল শ্বেখৰ। ক্ৰিছে সদৰী কৰা অনুসৰি,‘ আৰব শ্বেইখে মোক বিবাহ কৰিবলৈ ৫লাখ আমেৰিকান ডলাৰৰ যৌতুক দিব বিচাৰিছিল।’ বিষয়টো নিশ্চিত কৰিবলৈ ক্ৰিছে এবাৰ আৰৱ শ্বেখৰ সৈতে কথাও পাতিছিল। অৱশ্যে ক্ৰিছে তেওঁৰ প্ৰস্তাৱ পোনপটীয়াকৈ প্ৰত্যাখ্যান কৰে আৰু নিজকে নিজে বিয়া পাতি একক আৰু অদ্বিতীয় উদাহৰণ হিচাপে নজিৰ সৃষ্টি কৰিছে ক্ৰিছ গেলেৰে।