ডিজিটেল ডেস্ক
ইউকেৰ নৱনিৰ্বাচিত প্ৰধানমন্ত্ৰী ঋষি চুনাকে অলপতে কয় যে তেওঁ জীয়ৰীৰ সুৰক্ষাক প্ৰায়েই শংকিত হৈ পৰে যেতিয়া তেওঁৰ কন্যা অকলে বাহিৰত থাকে৷ লগতে কয় যে পুৰুষসকলে প্ৰায়ে তেওঁলোকৰ নিজৰ স্বাধীনতাক অপব্যৱহাৰ কৰে৷
প্ৰধানমন্ত্ৰীজনে তেখেতৰ ডাঙৰ জীয়াৰী কৃষ্ণাৰ বিষয়েও স্পষ্টকৈ উল্লেখ কৰিছিল৷ লিভাৰপুলত গুলীয়াই হত্যা কৰা ন বছৰীয়া শিশু অলিভিয়া প্ৰেট-কোৰবেলৰ হত্যাকে ধৰি ইউকেত সংঘটিত কেইবাটাও অপৰাধে তেওঁক নিজৰ কন্যাৰ বিষয়ে শংকিত হৈ পৰিবলৈ বাধ্য কৰিছিল৷
ইউকেত সংঘটিত অপৰাধৰ বিৰুদ্ধে কঠোৰ পদক্ষেপ ল'বলৈ দৃঢ় সংকল্প লৈ ঋষি চুনাকে কয় যে ,"মই নিশ্চিত কৰিব বিচাৰো যে মোৰ ল'ৰা-ছোৱালী আৰু আন সকলোৱে সুৰক্ষিতভাৱে ইউকেৰ ৰাস্তাত খোজ কাঢ়িব পাৰে। যিকোনো অভিভাৱকে তেওঁলোকৰ সন্তানৰ বাবে এইটোৱেই বিচাৰে । যোৱা বছৰৰ ঘটনাবোৰে আমাক দেখুৱাইছিল যে বহুতো মহিলা আৰু ছোৱালীয়ে ইযাত সুৰক্ষিত অনুভৱ কৰা নাই। গতিকে ইয়াৰ সৈতে মোকাবিলা কৰা আৰু মানুহৰ বাবে দেশখনক সুৰক্ষিত কৰাটো মোৰ বাবে ব্যক্তিগতভাৱে যথেষ্ট গুৰুত্বপূৰ্ণ৷”
ঋষি চুনাকে এইটোও কৈছিল যে তেওঁ তেওঁৰ কাৰ্যকালৰ সময়ছোৱাত অপৰাধ হ্ৰাস কৰিবলৈ সংকল্পবদ্ধ বুলি দৃঢ়তাৰে উল্লেখ কৰে প্ৰধানমন্ত্ৰীজনে৷
Continue Reading
