ডিজিটেল ডেস্কঃ উত্তৰ প্ৰদেশৰ কনৌজ জিলাত আৰক্ষীৰ এজন উপ-পৰিদৰ্শকে উৎকোচ দাবী কৰা এটা অডিঅ’ ভাইৰেল হৈ পৰিছে। অডিঅ’ত আৰক্ষীগৰাকীয়ে উৎকোচৰ নামত পাচলি বিক্ৰেতাৰ পৰা ৫ কেজি আলু বিচাৰিছে।
আলুৰ ঘোচ দিব নোৱাৰি শাক-পাচলি বিক্ৰেতাই ২ কেজি আলু দিয়াৰ কথা কৈছে। আলুৰ ঘোচ বিচৰা অডিঅ’ ছ’চিয়েল মিডিয়াত ভাইৰেল হোৱাৰ লগে লগে কনৌজৰ আৰক্ষী অধীক্ষকে তাৎক্ষণিক ব্যৱস্থা গ্ৰহণ কৰি উপ পৰিদৰ্শক ৰামকৃপালক নিলম্বন কৰে।
কনৌজৰ অতিৰিক্ত আৰক্ষী অধীক্ষক অজয় কুমাৰে জনোৱা মতে, সৌৰিখ থানাৰ ভৱালপুৰ চাপুন্না আউটপোষ্টৰ ভাৰপ্ৰাপ্ত উপ পৰিদৰ্শক ৰাম কৃপালৰ এটা অডিঅ’ ওলাইছে, য’ত তেওঁ ক’ড শব্দত কিছু দাবী উত্থাপন কৰি আছে। গোচৰৰ প্ৰতিবেদন ওলোৱাৰ সময়ত আৰক্ষী অধীক্ষকে পৰিদৰ্শক ৰাম কৃপালক নিলম্বন কৰিছিল। কনৌজত দুৰ্নীতিৰ বিৰুদ্ধে গ্ৰহণ কৰা ব্যৱস্থাক লৈ টুইট কৰি কনৌজ আৰক্ষীক অভিনন্দন জনাইছে মন্ত্ৰী অসীম অৰুণে।
যিজন পৰিদৰ্শকৰ অডিঅ’ ভাইৰেল হৈছে তেওঁৰ নাম ৰামকৃপাল। অডিঅ’ত উৎকোচ দাবী কৰিছে পৰিদৰ্শকজনে। তেওঁ এজন শাক-পাচলি বিক্ৰেতাৰ লগত কথা পাতি ঘোচৰ নামত পাঁচ কিলো আলু বিচাৰিছে যদিও পাচলি বিক্ৰেতাই পাঁচ কিলোৰ সলনি দুই কিলো আলু দিয়াৰ কথা কৈছে।
উপ-পৰিদৰ্শক ৰাম কৃপালক নিলম্বন কৰাত সুখী হৈছে উত্তৰ প্ৰদেশবাসী।
Continue Reading
