ডিজিটেল ডেস্কঃ নিসংগতা আৰু সামাজিক বিচ্ছিন্নতাক বিশ্ব স্বাস্থ্য সংস্থাই (WHO) এক ডাঙৰ বিশ্ব স্বাস্থ্য সমস্যা হিচাপে ঘোষণা কৰিছে, আমেৰিকাৰ চাৰ্জন জেনেৰেলে কয় যে ইয়াৰ বিপদ প্ৰতিদিনে ১৫টা চিগাৰেট খোৱাৰ দৰেই মাৰাত্মক।
যথেষ্ট পৰিমাণৰ প্ৰমাণে ইংগিত দিয়ে যে সামাজিক বিচ্ছিন্নতা আৰু নিসংগতাই বয়সস্থ লোকৰ শাৰীৰিক আৰু মানসিক স্বাস্থ্য, জীৱনৰ মানদণ্ড আৰু দীৰ্ঘায়ুৰ ওপৰত নেতিবাচক প্ৰভাৱ পেলায়। সামাজিক বিচ্ছিন্নতা আৰু নিসংগতাই মৃত্যুৰ হাৰত অৰিহনা যোগায়। বিপদজনক কাৰক যেনে ধূমপান, মেদবহুলতা, শাৰীৰিক নিষ্ক্ৰিয়তাৰ দৰেই ই প্ৰভাৱ পেলায়।
এই বিষয়ত ডব্লিউ এইচ অ’ই আমেৰিকাৰ চাৰ্জন জেনেৰেল বিবেক মূৰ্তি আৰু আফ্ৰিকান ইউনিয়নৰ যুৱ দূত চিডো ম্পেম্বাৰ নেতৃত্বত এখন আন্তঃৰাষ্ট্ৰীয় আয়োগ গঠন কৰিছে, য’ত ভানুআটুৰ জলবায়ু পৰিৱৰ্তন অভিযোজন মন্ত্ৰী ৰালফ ৰেগেনভানু আৰু জাপানৰ মন্ত্ৰী আয়ুকো কাটোকে ধৰি ১১ জন অধিবক্তা আৰু চৰকাৰী মন্ত্ৰী আছে নিসংগতা আৰু বিচ্ছিন্নতাৰ ব্যৱস্থাৰ দায়িত্বত।
'নিসংগতাই সকলো সীমা অতিক্ৰম কৰে আৰু ই স্বাস্থ্য, সুস্থতা আৰু উন্নয়নৰ প্ৰতিটো দিশতে প্ৰভাৱ পেলোৱা বিশ্বজনীন জনস্বাস্থ্যৰ চিন্তাত পৰিণত হৈছে,' এমপেম্বাই কয়। “সামাজিক বিচ্ছিন্নতাই কোনো বয়স বা সীমা নাজানে।”
উন্নত দেশসমূহত নিসংগতাক সঘনাই এটা বিষয় হিচাপে গণ্য কৰা হয় যদিও ডাঃ বিবেক মূৰ্তিয়ে দাবী কৰে যে বিশ্বজুৰি প্ৰতি চাৰিজন বৃদ্ধৰ ভিতৰত এজনে সামাজিক বিচ্ছিন্নতাৰ অভিজ্ঞতা লাভ কৰে।
বয়সস্থ লোকৰ ক্ষেত্ৰত ডিমেনচিয়া হোৱাৰ সম্ভাৱনা ৫০% বেছি আৰু ক’ৰ’নাৰী ধমনী ৰোগ বা ষ্ট্ৰোকৰ আশংকা ৩০% বৃদ্ধিৰ সৈতে নিসংগতাৰ সম্পৰ্ক আছে।
Continue Reading
