ডিজিটেল ডেস্কঃ নৰখাদক মানুহৰ কথা সাধাৰণতে চিনেমাতহে দেখা যায় যদিও বাস্তৱতো যে তেনে লোক আছে তেনে এক অভিযোগেই এতিয়া উঠিছে৷ শেহতীয়াকৈ আমেৰিকা যুক্তৰাষ্ট্ৰত এজন ১৮ বছৰীয়া লৰাক তেওঁৰ 'নৰখাদক ' পৰিয়ালটোৱে খাই পেলাবলৈ বিচৰাৰ বাবেই কিশোৰটিয়ে পৰিয়ালটোকেই হত্যা কৰে৷
কিশোৰটিয়ে অভিযোগ কৰা অনুসৰি পৰিয়ালৰ লোকসকলে তেওঁক খোৱাৰ প্ৰস্তুতি চলাইছিল৷ টেক্সাছত বাস কৰা ১৮ বছৰীয়া লৰাজনে নিজকে নৰখাদক পৰিয়ালৰ লোকসকলৰ পৰা ৰক্ষা কৰাৰ বাবেই তেওঁলোকক হত্যা কৰা বুলি প্ৰকাশ কৰিছে৷আৰক্ষীয়ে প্ৰকাশ কৰা মতে কিশোৰটিয়ে তেওঁৰ ৫ বছৰীয়া ভায়েকৰ লগতে পৰিয়ালৰ সকলোকে হত্যা কৰিছে৷
আমেৰিকাত প্ৰতিদিনে নৰখাদক মানুহৰ বিষয়ে খবৰ ওলাই থাকে৷আৰক্ষীয়ে জনোৱা অনুসৰি এটি কিশোৰে তেওঁৰ নিজৰ পৰিয়ালৰ লোকসকলকেই তেওঁক খাবলৈ বিচৰাৰ বাবে তেওঁলোকক হত্যা কৰে ।আৰক্ষীয়ে অভিযান চলাই চিজাৰ ওল্ডে নামৰ লৰাজনক গ্ৰেপ্তাৰ কৰিবলৈ সক্ষম হয়৷
আৰক্ষী বিষয়া ক্ৰেগ বাষ্টাৰে কয় যে অভিযুক্তজনে আৰক্ষীক ফোন কৰিছিল আৰু কৈছিল যে তেওঁ তেওঁৰ পৰিয়ালৰ সদস্যসকলক বন্দুকেৰে গুলীয়াইছে। আৰক্ষীয়ে ঘৰটো তন্নতন্ন কৈ পৰীক্ষা কৰি লৰাজনৰ পিতৃ-মাতৃ (ৰুবেন ওল্ডে আৰু আদা গাৰ্চিয়া), ডাঙৰ ভগ্নী (লিচবেট ওল্ডে) আৰু সৰু ভায়েক (অলিভাৰ ওল্ডে)ৰ মৃতদেহ কেইটা পৰি থকা অৱস্থাত উদ্ধাৰ কৰে৷
ঘৰৰ মজিয়াত কেইবাটাও কাৰ্ট্ৰিজৰ খোলা পোৱা গৈছে। পৰিয়ালটো সঁচাকৈ নৰখাদক আছিল নে নাই সেয়া আৰক্ষীৰ তদন্ততহে পোহৰলৈ আহিব৷
Continue Reading
