নৃত্য কৰাৰ বাবে নিলম্বিত হ’ল ৩ খাকী পোছাকধাৰী, কিন্তু কিয়...

ডিজিটেল ডেস্কঃ পুনৰ আৰক্ষীৰ খাকী পোছাকত লাগিল কলিমা৷ গুজৰাটৰ কচ্ছ জিলাৰ তিনিজন আৰক্ষী কনিষ্টবলক নিলম্বিত কৰা হৈছে৷ বুধবাৰে এটা ভাইৰেল ভিডিঅ'ত দেখা গৈছিল যে, নিলম্বিত আৰক্ষীকেইজনে গাড়ী যাত্ৰাৰ সময়ত সংগীত উপভোগ কৰিছিল য'ত দেখা গৈছিল যে, তেওঁলোকে নৃত্য ৰাগীত মতলীয়া হৈ কোনো মাস্ক পৰিধান নকৰাকৈ আনন্দ কৰি আছিল ৷ কচ্ছ-পূবৰ আৰক্ষী অধীক্ষক ময়ূৰ পাটিলে অভিযুক্ত কনিষ্টবল সকলৰ বিৰুদ্ধে "অশালীন আচৰণ, যান-বাহনৰ নিয়ম উলংঘা কৰা আৰু আৰক্ষীৰ ভাবমূৰ্তি কলুষিত কৰা কাৰ্য্যত লিপ্ত হোৱাৰ বাবে ব্যৱস্থা গ্ৰহণ কৰিছে৷ "সংবাদ মাধ্যম আৰু কেইবাটাও ছ'চিয়েল মিডিয়া প্লেটৰ্ফমত এই ভিডিঅ’ বিয়পি পৰিছিল, য’ত দেখা গৈছিল, আৰক্ষী কৰ্মীসকলে চাৰিচকীয়া বাহনৰ ভিতৰত আৰক্ষীৰ পোছাক পিন্ধি উদ্যম গীতত নৃত্য প্ৰদৰ্শন কৰিছিল৷ গাড়ী চলোৱাৰ সময়ত যান-বাহন আইন ভংগ কৰাৰ এনে কাৰ্য্য এটা শৃংখলাবদ্ধ আৰক্ষী বিভাগৰ বাবে কোনোপধ্য উপযুক্ত নহয় এনে কাৰ্যই আৰক্ষীৰ বিভাগটোলৈ বদনাম আনিছে বুলি আৰক্ষী অধীক্ষক গৰাকীয়ে৷ নিলম্বিত কনিষ্টবল - জগদীশ চোলাঙ্কি, হৰেশ চৌধুৰী আৰু ৰাজা হীৰাগ৷ অভিযুক্ত আৰক্ষীকেইজনে গাড়ী চলোৱা সময়ত আনকি চিটবেল্টো পৰিধান কৰা নাছিল৷