দেশৰ তদন্তকাৰী সংস্থাসমূহ বিজেপিৰ চাবি দিয়া পুতলা! কেৱল নিৰ্বাচনৰ সময়ত কিয় তীব্ৰতৰ হ’য় তালাচী অভিযান

ডিজিটেল ডেস্কঃ কেৱল নিৰ্বাচনৰ সময়তে কিয় তুংগত হৈ উঠে তালাচীৰ প্ৰকোপ৷ এই কথাটোৱে এতিয়া দেশৰ বিৰোধী শিবিৰৰ মাজত চৰ্চা লাভ কৰিছে৷ উল্লেখ্য যে, দেশৰ ৫ খন ৰাজ্যত সমাগত বিধানসভা নিৰ্বাচন৷ এই নিৰ্বাচনৰ প্ৰাকমুহুৰ্তত এতিয়া বিজেপি তদন্তকাৰী সংস্থাসমূহক উদ্দেশ্যপ্ৰণোদিতভাবে ব্যৱহাৰ কৰিব লৈছে৷ যেন এতিয়া দেশৰ সৰ্ব্বোচ্ছ তদন্তকাৰী সংস্থাসমূহ বিজেপিৰ চাবি দিয়া পুতলা হৈ পৰিছে বুলি সকলোৱে অভিযোগ কৰিছে৷ দেশ ৰ ৫ ৰাজ্যৰ বিধানসভা নিৰ্বাচনৰ দিন চমু চাপি অহাৰ লগে-লগে তালাচী অভিযানো তীব্ৰতৰ হৈ পৰিছে৷ বিৰোধী দলসমূহে এতিয়া তদন্তকাৰী সংস্থাসমূহক বিজেপিয়ে অপপ্ৰয়োগ কৰিছে বুলি অভিযোগ উঠিছে৷ বিগত কেইবছৰমানৰ চালে দেখা যায় যে, কেৱল নিৰ্বাচনৰ প্ৰাকমুহুৰ্তত বিজেপিয়ে বিৰোধী দলৰ নেতাসমূহৰ বাসগৃহত তালাচী অভিযান চলাই আৰু নিৰ্বাচনৰ পাছত এই অভিযানসমূহে গেঁঠেলা মাৰে৷ উল্লেখ্য যে, ২০১৭ কৰ্ণাটকৰ ৰাজ্যসভা নিৰ্বাচনৰ পূৰ্বে আয়কৰ বিভাগে কংগ্ৰেছ চৰকাৰৰ মন্ত্ৰী ডি কে শিৱকুমাৰৰ বাসগৃহৰ লগতে আন বহুতো স্থানত মুঠ ৭০ টা স্থানত তালাচী চলাইছিল৷ ২০১৯ ৰ অন্ধ্ৰপ্ৰদেশৰ নিৰ্বাচনৰ পূৰ্বে ই ডিয়ে টি টি পিৰ সাংসদ ৱাক এছ চৌধুৰী আৰু চি এম ৰমেশৰ ঘৰত আয়কৰে তালাচী চলাইছিল৷ বিগত বৰ্ষৰ পশ্চিমবংগৰ নিৰ্বাচনৰ পূৰ্বে চি বি আয়ে মুখ্যমন্ত্ৰী মমতা বেনাৰ্জীৰ ভটিজা অভিষেকৰ পত্নীক জেৰা কৰে৷ উল্লেখ্য যে, চলিত বৰ্ষৰ উত্তৰ প্ৰদেশৰ নিৰ্বাচনৰ পূৰ্বে আয়কৰ বিভাগে সমাজবাদী পাৰ্টীৰ ঘনিষ্ঠ আতৰ ব্যৱসায়ী পুষ্পৰাজ জৈনৰ ঘৰত তালাচী চলায় ৷ পঞ্জাৱতো আগন্তুক বিধানসভা নিৰ্বাচনৰ পূৰ্বে পঞ্জাবতো অবৈধ বালি খননৰ তিনি বছৰ পুৰণি গোচৰত মুখ্যমন্ত্ৰীৰ ঘনিষ্ঠ ঘৰত ই ডিয়ে তালাচী চলায়৷ কিন্তু এই আটাইবোৰ অভিযানকালতে কোনো বিশেষ ফলদায়ক ৰিজাল্ট নাপাই তদন্তকাৰী সংস্থাসমূহে৷ বিজেপিয়ে যেন এতিয়া বিৰোধী দলৰ নেতাসকলক জনমানসত হেয় প্ৰতিপন্ন কৰাৰ উদ্দেশ্যে বিজেপিয়ে ই ডি, চি বি আই, আয়কৰ বিভাগৰ দৰে ডাঙৰ তদন্তকাৰী সংস্থাসমূহক ব্যৱহাৰ কৰিব লৈছে বুলি সকলোৱে ক’ৱ খুজিছে৷