ডিজিটেল ডেস্কঃ পুনৰ অসমলৈ গৌৰৱ কঢ়িয়াই আনিছে অসমৰ ৬জন ছাত্ৰই। আন্তঃৰাষ্ট্ৰীয় ভিত্তিত আমেৰিকাত অনুষ্ঠিত হোৱা ওৱেবছাইট আৰু এপছৰ প্ৰতিযোগিতাত ভাৰতক প্ৰতিনিধিত্ব কৰিছিল চতিয়াৰ ভাস্কৰজ্যোতি আদৰ্শ বিদ্যাপীঠৰ দশম শ্ৰেণীৰ ছাত্ৰ ভাস্কৰজ্যোতি শইকীয়া, ৰাজশ্বেখৰ শইকীয়া, সঞ্জীৱ নাগ, জ্যোতিস্মান শইকীয়া, বিবেক বৰুৱা আৰু আফ্ৰিদ হকে৷
এই ছাত্ৰ কেইজনে ক’ভিডৰ ২য় ঢৌৰ লকডাউনৰ সময়তে ওৱেবছাইট আৰু এপছ প্ৰতিযোগিতাত অংশগ্ৰহণ কৰিছিল৷ বিশ্বৰ ১৩৬খন দেশৰ প্ৰতিযোগীয়ে অংশগ্ৰহণ কৰা প্ৰতিযোগিতাত ছাত্ৰকেইজনৰ দলীয় প্ৰচেষ্টাত উদ্ভাৱন কৰা বিশ্বৰ সবাতকৈ জনপ্ৰিয় ছ’চিয়েল মিডিয়া ‘facebook’ৰ বিকল্প এপছ ‘socigram’-এ শীৰ্ষ দশম স্থান দখল কৰিবলৈ সক্ষম হয়। পুনৰ শীৰ্ষৰ দশমৰপৰা প্ৰথম স্থান নিৰ্বাচন কৰোঁতে ২কোটি ৭৫লাখ ভোট পাই বিশ্বৰ ভিতৰতে প্ৰথম স্থান দখল কৰিবলৈ সক্ষম হৈছে চতিয়াৰ ছাত্ৰ কেইজন। ছাত্ৰ কেইজনৰ সফলতাত বৃহত্তৰ চতিয়া অঞ্চলৰ লগতে বিদ্যালয়ৰ কৰ্তৃপক্ষ যথেষ্ট উৎফুল্লিত হৈছে৷
Continue Reading
