ডিজিটেল ডেস্কঃ সুখ কেতিয়া দুখলে পৰিৱৰ্তন হয় সেয়া কোনেও নাজানে। পৰিয়ালৰ সৈতে নতুন ঘৰ চাবলৈ আনন্দ মনেৰে গৈ আছিল মাতৃ-কন্যা। সেই সময়তে ভয়ংকৰ পথ দুৰ্ঘটনাত পতিত হৈ কৰুণ মৃত্যুক সাৱটি ল’লে মাতৃ-কন্যাই। এই ঘটনা সংঘটিত হৈছে গুৰগাঁৱত।
গুৰগাঁৱৰ ছেক্টৰ ১০৬ত পৰিয়ালটো গৈ থকা বাহনখনত বিপৰীত দিশৰ পৰা আহি থকা এছইউভি বাহনে প্ৰচণ্ড জোৰে খুন্দা মৰাত মাতৃ-কন্যাৰ থিতাতে মৃত্যু ঘটে। আহত হৈছে দুজন লোক।
নিহত মাতৃ-কন্যাহালৰ নাম নীলম (৬২) আৰু মণিকা (৩২) বুলি জানিব পৰা গৈছে।
জানিব পৰা মতে, দিল্লীৰ দ্বাৰকাৰ নিৱাসী কমল মত্তা নামৰ লোকজনে পত্নী নীলম, কন্যা মণিকা আৰু ৰিয়েল ইষ্টেটৰ এজেণ্ট কৰণজিৎ সিঙৰ সৈতে ছেক্টৰ ১০৮ত এটা সম্পত্তি চাবলৈ গৈছিল।
তেওঁলোকে ৰাহেজা বেদান্ত ছ’চাইটিৰ সমীপত এটা ইউ টাৰ্ণ লোৱাৰ সময়তে এখন এছইউভি বাহনে পৰিয়ালৰ বলেন’ বাহনখনত প্ৰচণ্ড জোৰে খুন্দা মাৰে।
এই দুৰ্ঘটনাত মাতৃ নীলম আৰু কন্যা মণিকাৰ ঘটনাস্থলীতে মৃত্যু ঘটে।
পিছত ঘটনাস্থলীত স্থানীয় লোক উপস্থিত হৈ আহত কমল আৰু কৰণজিৎ সিঙক গাড়ীৰ পৰা উদ্ধাৰ কৰি ততাতৈয়াকৈ হাস্পতাললৈ প্ৰেৰণ কৰে।
Continue Reading
