ডিজিটেল ডেস্কঃ দেওবাৰে নতুন সংসদ ভৱনৰ উদ্বোধনী অনুষ্ঠানতে প্ৰধানমন্ত্ৰী নৰেন্দ্ৰ মোদীয়ে ৭৫ টকীয়া এটা বিশেষ স্মাৰক মুদ্ৰা উন্মোচন কৰে। উল্লেখ্য নতুন সংসদ ভৱন উদ্বোধন উপলক্ষে কেন্দ্ৰীয় চৰকাৰে ৭৫ টকাৰ মুদ্ৰা প্ৰস্তুত কৰি উলিয়াইছে। নতুন সংসদ ভৱন উদ্বোধন উপলক্ষে মোদীয়ে ৭৫ টকাৰ স্মাৰক মুদ্ৰাটো মুকলি কৰে৷
২৫ মে'ত জাৰি কৰা এক গেজেট অধিসূচনাত বিত্ত মন্ত্ৰালয়ে কৈছিল যে 'মুদ্ৰা (নতুন সংসদ ভৱন উদ্বোধন উপলক্ষে স্মাৰক মুদ্ৰাৰ জাৰি) নিয়ম, ২০২৩ ৰ অধীনত সেই ৭৫ টকাৰ মুদ্ৰাটো মুকলি কৰা হ'ব।
আজি মোদীয়ে মুকলি কৰা মুদ্ৰাটোৰ ব্যাস ৪৪ মিমি হ'ব আৰু ইয়াত ২০০ টা চেৰেচন আছে। মুদ্ৰাটো ৫০ শতাংশ ৰূপ, ৪০ শতাংশ তাম, ৫ শতাংশ নিকেল আৰু ৫ শতাংশ জিংকেৰে তৈয়াৰ কৰা হৈছে। "মুদ্ৰাটোৰ কেন্দ্ৰত অশোক স্তম্ভৰ সিংহ আৰু তলত হিন্দী ভাষাত 'সত্যমেৱ জয়তে' লিখা আছে, দেৱনাগৰী লিপিত 'ভাৰত' আৰু ইংৰাজীত 'ইণ্ডিয়া ' শব্দও লিখা আছে।
মুদ্ৰাটোৰ ওলোটা ফালে সংসদ ভৱনৰ এখন ছবি আছে। মুদ্ৰাটোৰ ওজন হ'ব ৩৫ গ্ৰাম। উল্লেখ্য প্ৰধানমন্ত্ৰী নৰেন্দ্ৰ মোদীয়ে ২০২০ চনৰ ২০ ডিচেম্বৰত নতুন সংসদ ভৱনৰ আধাৰশিলা স্থাপন কৰিছিল। নতুন সংসদ ভৱনত মুঠ ৯৫০০ কিলোগ্ৰাম ওজনৰ ব্ৰঞ্জেৰে নিৰ্মিত ৰাষ্ট্ৰীয় প্ৰতীক আছে আৰু ইয়াৰ উচ্চতা ৬.৫ মিটাৰ। ইয়াক নতুন সংসদ ভৱনৰ কেন্দ্ৰীয় স্থলৰ শীৰ্ষত স্থাপন কৰা হৈছে। প্ৰতীকটো ধৰি ৰাখিবলৈ প্ৰায় ৬৫০০ কিলোগ্ৰাম ওজনৰ তীখাৰ এটা সহায়ক গাঁথনি নিৰ্মাণ কৰা হৈছে।
Continue Reading
