ডিজিটেল ডেস্কঃ নতুন চৰিত্ৰত দীনেশ কাৰ্তিক। ৩৮ দিনত তিনিবাৰকৈ নতুন ভূমিকাত অৱতীৰ্ণ হৈছে তেওঁ। ২৪ মে’ত তেওঁ আই পি এলৰ পৰা অৱসৰ গ্ৰহণ কৰে। ইয়াৰ পিছত এই উইকেটকীপাৰ বেটছমেনক টি-২০ বিশ্বকাপত কমেণ্টেটৰ হিচাপে দেখা গ’ল। এইবাৰ তেওঁক প্ৰশিক্ষক হিচাপে দেখা যাব। আই

Listen to Article

2 min read

80%

ডিজিটেল ডেস্কঃ নতুন চৰিত্ৰত দীনেশ কাৰ্তিক। ৩৮ দিনত তিনিবাৰকৈ নতুন ভূমিকাত অৱতীৰ্ণ হৈছে তেওঁ। ২৪ মে’ত তেওঁ আই পি এলৰ পৰা অৱসৰ গ্ৰহণ কৰে। ইয়াৰ পিছত এই উইকেটকীপাৰ বেটছমেনক টি-২০ বিশ্বকাপত কমেণ্টেটৰ হিচাপে দেখা গ’ল। এইবাৰ তেওঁক প্ৰশিক্ষক হিচাপে দেখা যাব। আই পি এলত ৰয়েল চেলেঞ্জাৰছ বাংগালুৰু দলৰ বেটিং প্ৰশিক্ষক আৰু গুৰু।

আৰ চি বিয়ে তেওঁক বেটিং প্ৰশিক্ষকৰ লগতে দলীয় গুৰু হিচাপে গঢ়ি তুলিছে। যোৱা আই পি এলত আৰ চি বিৰ হৈ খেলি অৱসৰ লয়। কেইমাহমানৰ ভিতৰতে কাৰ্তিকক বেংগালুৰু কৰ্তৃপক্ষই নতুন কৰ্তব্য লৈ ঘূৰাই লৈ গ’ল। সোমবাৰে ছচিয়েল মিডিয়াত এই খবৰ ঘোষণা কৰে আৰ চি বিয়ে।

আৰ চি বি কৰ্তৃপক্ষই ছ’চিয়েল মিডিয়াত লিখিছে, ‘আমাৰ উইকেটকীপাৰ দীনেশ কাৰ্তিকক নতুনকৈ আদৰণি জনাইছো। নতুন অৱতাৰত পুনৰ আহি আছে আৰ চি বিলৈ। কাৰ্তিকে আৰচিবিৰ পুৰুষ দলৰ বেটিং প্ৰশিক্ষক আৰু গুৰু হিচাপে কাৰ্যনিৰ্বাহ কৰিব। ডি কে কেক ক্ৰিকেটৰ পৰা আঁতৰাই ৰাখিব পাৰি কিন্তু ক্ৰিকেটক তেওঁৰ পৰা আঁতৰাই ৰাখিব নোৱাৰি। আমাৰ শুভেচ্ছা আৰু মৰম।''

কাৰ্তিকে বিভিন্ন ফ্ৰেঞ্চাইজিৰ হৈ আই পি এলত মুঠ ২৫৭খন খেল খেলিছে। তেওঁ ২৬.৩২ গড়ে ৪৮৪২ ৰান সংগ্ৰহ কৰে। বেংগালুৰুৰ উপৰিও কলকাতাই কিংছ একাদশ পঞ্জাৱ, দিল্লী ডেয়াৰডেভিলছ, মুম্বাই ইণ্ডিয়ানছৰ হৈ খেলিছিল। ৩৯ বছৰীয়া প্ৰাক্তন ক্ৰিকেটাৰগৰাকীয়ে দেশৰ হৈ ২৬খন টেষ্ট, ৯৪খন এদিনীয়া আৰু ৬০খন টি-২০ মেচ খেলিছে।