ডিজিটেল ডেস্কঃ বাবৰ আজমক অধিনায়ক নিযুক্তি দিয়া হোৱা নাই। তেওঁ জাতীয় দলৰ সতীৰ্থ মহম্মদ ৰিজৱানৰ নেতৃত্বত খেলিব লাগিব। পাকিস্তানৰ উইকেটকীপাৰ-বেটছমেনগৰাকীয়ে ভেংকুৱাৰ নাইটছক কানাডাৰ জিটি-টি-২০ লীগ ফ্ৰেঞ্চাইজিৰ অধিনায়ক হিচাপে নেতৃত্ব দিব৷
ৰিজৱানে কেতিয়াও পাকিস্তানৰ জাতীয় দলৰ নেতৃত্ব দিয়া নাই। কিন্তু তেওঁ পাকিস্তান ছুপাৰ লীগত মুলতান চুলতানক আগুৱাই লৈ সফলতা লাভ কৰিছিল। বাবৰৰ দৰে অভিজ্ঞ অধিনায়ক আছে দলটোৰ। অৱশ্যে কানাডাৰ ফ্ৰেঞ্চাইজিয়ে ৰিজৱানক আগন্তুক ছিজনৰ বাবে নেতৃত্বৰ ভূমিকা প্ৰদান কৰে।
ভেংকুৱাৰ নাইটছ কৰ্তৃপক্ষই কয় যে, ‘ভেংকুভাৰ নাইটছে জিটি-২০ৰ চতুৰ্থ ছিজনৰ বাবে মহম্মদ ৰিজৱানক অধিনায়ক হিচাপে নিৰ্বাচিত কৰিছে। ৰিজৱানে নিজৰ উৎকৃষ্ট বেটিং আৰু উইকেট ৰক্ষাৰ দক্ষতাৰে আমাক জয়ৰ দিশে লৈ যাব।''
পাকিস্তান ক্ৰিকেটত বাবৰৰ নেতৃত্বক লৈ প্ৰশ্ন উত্থাপন হৈছে টি-২০ বিশ্বকাপত ব্যৰ্থ হোৱাৰ পিছত। এইবাৰ কানাডাৰ ফ্ৰেঞ্চাইজিয়ে তেওঁক বিশ্বাস কৰা নাছিল। ৰিজৱান আৰু বাবৰৰ বাহিৰেও দলটোত আছে আৰু দুজন পাকিস্তানী ক্ৰিকেটাৰ। তেওঁলোক হ’ল মহম্মদ আমিৰ আৰু আছিফ আলী। প্ৰতিযোগিতাখনত ভেংকুৱাৰ নাইটছৰ প্ৰথমখন খেল হ’ব ২১ জুলাই।
Continue Reading
