ডিজিটেল ডেস্কঃ প্ৰধানমন্ত্ৰী সলনি হোৱাৰ পাছতো ছবিখন সলনি হোৱা নাই। শ্ৰীলংকাৰ পৰিস্থিতি ইমানেই ভয়ংকৰ হৈ পৰিছে যে, গেছ দোকানত হোৱা প্ৰতিবাদৰ মোকাবিলা কৰিবলৈ সেনাক মাতিব লগা হৈছে। শ্ৰীলংকাৰ ৰাজধানী কলম্বোত শনিবাৰে এই ঘটনা সংঘটিত হৈছিল। উল্লেখ্য যে, বহুদিন ধৰি দেশত ইন্ধনজাত সামগ্ৰীৰ নাটনিয়ে দেখা দিছিল। ৰন্ধন গেছৰ পৰা পেট্ৰ'ল আৰু ডিজেললৈকে দেশখনত একোৱেই উপলব্ধ নহয়, আনকি খাবলৈকে মানুহে হাহাকাৰ কৰিব লগা হৈছিল। দিন বাগৰাৰ লগে লগে, পৰিস্থিতি আৰু অধিক জটিল হৈ পৰিছে।
শনিবাৰে, ৰন্ধন গেছ ভৰ্তি চিলিণ্ডাৰ গাড়ীৰ পৰা গেছ কিনিবলৈ অহা মানুহৰ দ্বাৰা ইমাননেই এটা অনিয়ন্ত্ৰিত পৰিৱেশৰ সৃষ্টি হৈছিল যে তাক নিয়ন্ত্ৰণ কৰিবলৈ সামৰিক বাহিনীৰ দ্বাৰা পৰিস্থিতি নিয়ন্ত্ৰণ কৰিব লগা হৈছিল। অৱশ্যে, যোগানৰ অভাৱৰ বাবে, গেছ যোগানকৰ্তাসকলে প্ৰয়োজন অনুসৰি চিলিণ্ডাৰ গ্ৰাহকক দিব নোৱাৰিলে। ফলস্বৰূপে, গ্ৰাহকসকলে প্ৰতিবাদত উচ্ছ্বসিত হৈ পৰে। প্ৰতিবাদ আৰু আক্ৰমণ আৰম্ভ হৈছিল।
ঘটনাস্থলীত উপস্থিত থকা এগৰাকী মহিলা উপভোক্তাই সংবাদ মাধ্যমক কয়, "মই ঘৰৰ কাম এৰি সেই ৰাতিপুৱাৰ পৰা গেছৰ বাবে লাইনত থিয় হৈ আছিলো তথাপিও আমি চিলিণ্ডাৰ নাপালো।
স্থানীয় সংবাদ মাধ্যমৰ সূত্ৰ অনুসৰি, আজি পুৱাৰ ভাগত কলম্বোৰ গেছ দোকানৰ সন্মুখত এক ভয়ংকৰ পৰিস্থিতিৰ সৃষ্টি হয়। ঘৰৰ সৰু ল'ৰা-ছোৱালীৰ পৰা বৃদ্ধলৈকে, আৰু বহুসংখ্যক গৃহিনীয়ে ৰাজপথত প্ৰতিবাদ কৰিবলৈ ওলাই আহিছিল। তেওঁলোকে "দিয়ক দিয়ক, গেছ দিয়ক" বুলি প্ৰতিবাদমুখৰ হৈ পৰিছিল।
Continue Reading
