ভাৰত বিভাজনৰ পাছত গঠিত পাকিস্তানত আজি ইছলামিক নীতি-নিয়মৰ বাবে আন ধৰ্মৰ লোকৰ বাবে শান্তিপূৰ্ণভাৱে জীয়াই থকাটো কঠিন হৈ পৰিছে। তাত মুছলমানৰ তুলনাত হিন্দু, বৌদ্ধ আৰু খ্ৰীষ্টানৰ অধিকাৰ ক্ৰমান্বয়ে কমি আহিছে। প্ৰাপ্ত খবৰ অনুসৰি এতিয়া তাত থকা সকলো শিক্ষানুষ্ঠা

Listen to Article

2 min read

80%

ডিজিটেল ডেস্কঃ ভাৰত বিভাজনৰ পাছত গঠিত পাকিস্তানত আজি ইছলামিক নীতি-নিয়মৰ বাবে আন ধৰ্মৰ লোকৰ বাবে শান্তিপূৰ্ণভাৱে জীয়াই থকাটো কঠিন হৈ পৰিছে। তাত মুছলমানৰ তুলনাত হিন্দু, বৌদ্ধ আৰু খ্ৰীষ্টানৰ অধিকাৰ ক্ৰমান্বয়ে কমি আহিছে। প্ৰাপ্ত খবৰ অনুসৰি এতিয়া তাত থকা সকলো শিক্ষানুষ্ঠানতে হোলী উদযাপন নিষিদ্ধ কৰা হৈছে। অৰ্থাৎ কোনো বিদ্যালয়ত হোলী খেলিব দিয়া নহ’ব।

চলিত বৰ্ষৰ হোলী উৎসৱ উপলক্ষে পাকিস্তানৰ বিদ্যালয়ত হিন্দুসকলৰ ওপৰত সংঘটিত হোৱা মাৰাত্মক আক্ৰমণৰ পাছত এতিয়া এই খবৰ আহি পৰিছে। পাকিস্তানৰ ‘আজ নিউজ’ত প্ৰকাশিত বাতৰি অনুসৰি পাকিস্তানৰ উচ্চ শিক্ষা আয়োগে সকলো শিক্ষানুষ্ঠানতে হোলী উদযাপন নিষিদ্ধ কৰিছে আৰু কয় যে এনে কাৰ্যকলাপ দেশৰ সামাজিক-সাংস্কৃতিক মূল্যবোধৰ সৈতে কোনোধৰণৰ মিল নাই।এইবোৰ পৃথক আৰু ইছলামিক পৰিচয়ৰ বিপৰীত দেশৰহে সংস্কৃতি৷

উল্লেখযোগ্য যে এই বছৰতে পাকিস্তান বিশ্ববিদ্যালয়ত হোলী উদযাপন কৰি থকা হিন্দু ছাত্ৰ-ছাত্ৰীক আক্ৰমণ কৰা হৈছিল, য’ত ১৫জন লোক আহত হৈছিল৷চলিত মাহৰ আৰম্ভণিতে ইছলামবাগৰ কোৱাইদ-ই-আজম বিশ্ববিদ্যালয়ত হোলী উদযাপনৰ ছবি আৰু ভিডিঅ’ ছ’চিয়েল মিডিয়াত ভাইৰেল হৈছিল। ইয়াৰ পাছতে এই পদক্ষেপ গ্ৰহণ কৰা হৈছে। পাকিস্তানৰ উচ্চ শিক্ষা আয়োগৰ অধিসূচনাত কোৱা হৈছে যে ছাত্ৰ-ছাত্ৰীসকলে “সামাজিক-সাংস্কৃতিক মূল্যবোধ” মানি চলিবলৈ এই উৎসৱ উদযাপন কৰাত নিষেধাজ্ঞা আৰোপ কৰা হৈছে।