ডিজিটেল ডেস্কঃ পাকিস্তানৰ শিক্ষানুষ্ঠানত হোলী পালনত জাৰি কৰা হৈছে নিষেধাজ্ঞা। দেশ খনৰ উচ্চ শিক্ষা আয়োগে এই বিষয়ত এক ফতোৱা জাৰি কৰিছে। এই ফতোৱাত কোৱা হৈছে- পাকিস্তানৰ শিক্ষানুষ্ঠানসমূহত হোলী খেলা নহ'ব। এনে নিয়ম কিয়? পাকিস্তানী প্ৰশাসনৰ মতে, হোলী খেলিলে ইছলামৰ সংস্কৃতি ধ্বংস হয়।
সেয়েহে শিক্ষাৰ্থীসকলে সামাজিক নিয়ম অনুসৰণ কৰিব লাগিব। কেইদিনমান আগতে পাকিস্তানৰ এখন বিশ্ববিদ্যালয়ৰ চৌহদত হোলী খেলি থকা ছাত্ৰ-ছাত্ৰীসকলৰ এটা ভিডিঅ' পোহৰলৈ আহিছিল। তাৰ পিছতে পাকিস্তানত নতুন ফতোৱা জাৰি কৰা হয়। উল্লেখ্য চলিত বছৰৰ মাৰ্চ মাহত সন্ত্ৰাসবাদীয়ে হোলী উদযাপনৰ সময়ত হিন্দু শিক্ষাৰ্থী একাংশক আক্ৰমণ কৰিছিল।
কেইদিনমান আগতে পাকিস্তানৰ হিন্দু ছাত্ৰ-ছাত্ৰীৰ এটা দলে কায়েদ-ই-আজম বিশ্ববিদ্যালয়ত হোলী উদযাপন কৰিছিল। ১২ জুনৰ উৎসৱৰ ছবি আৰু ভিডিঅ' ইণ্টাৰনেটত ভাইৰেল হৈ পৰিছিল। তাৰ পিছতে পাকিস্তানৰ উচ্চ শিক্ষা আয়োগ হোলী নিষিদ্ধ কৰাৰ সিদ্ধান্ত গ্ৰহণ কৰে। মঙলবাৰে জাৰি কৰা এক নিৰ্দেশত আয়োগে কয় যে বিশ্ববিদ্যালয় চৌহদত কোনেও হোলী খেলিব নোৱাৰিব। পাকিস্তানত সকলো ধৰ্মীয় বিশ্বাসক সন্মান কৰা হয়, কিন্তু ইছলামৰ আদৰ্শ ক্ষতিগ্ৰস্ত হ’বলৈ দিয়া নহ’ব।
নিৰ্দেশনাটোত কোৱা হৈছে?"আমি সকলো ধৰ্মক সন্মান কৰোঁ। সমতা বজাই ৰখাৰ বাবে সকলো ধৰ্মীয় অনুষ্ঠান গুৰুত্বপূৰ্ণ। কিন্তু কোনো বিষয়কলৈ হুলস্থুল কৰাটো সঠিক নহয়। সেয়েহে, শিক্ষাৰ্থীসকলে তেওঁলোকৰ ধৰ্মীয় বিশ্বাসৰ বিষয়ে অৱগত হোৱা উচিত। কেইদিনমান আগতে এখন বিশ্ববিদ্যালয়ত আচহুৱা ঘটনা ঘটিছিল । ই দেশৰ ভাবমূৰ্তি ক্ষতিগ্ৰস্ত কৰিছে। "
Continue Reading
