ৰোগীৰ আঁঠুৰ পৰা ওলাল তিয়ঁহ আকাৰৰ শিল! হতভম্ব চিকিৎসক

ডিজিটেল ডেস্কঃ বৃক্ক বা পিত্তথলীত পাথৰ হোৱাটো আজিকালি এটা সাধাৰণ সমস্যা। কিন্তু মহাৰাষ্ট্ৰৰ অমৰাৱতীৰ লক্ষ্মীকান্ত মাধেকাৰৰ আঁঠুত তিয়ঁহৰ আকাৰৰ এটা শিল আছিল যাক যোৱা সপ্তাহত চিকিৎসকে অস্ত্ৰোপচাৰ কৰি বাহিৰলৈ উলিয়াই আনিছিল। মুম্বাইৰ এজন চিকিৎসকে এই সফল অস্ত্ৰোপচাৰ কৰিছে। শিলটোৰ দৈৰ্ঘ্য আছিল ১২ চেণ্টিমিটাৰ। চিকিৎসকে কয় যে এইটো এটা বিৰল ঘটনা। ইয়াক 'multiple giant synovial chondromatosis' বুলি কোৱা হয়। এইটো খুব কম লোকৰ মাজত পোৱা যায়। ৭০ বছৰীয়া ৰোগীজনে দৈনিক মজুৰী শ্ৰমিক হিচাপে কাম কৰে। তেওঁ যোৱা সপ্তাহত আঁঠু বিষৰ বাবে চিকিৎসকৰ কাষ চাপে। চিকিৎসকে এমআৰআই পৰীক্ষা কৰি দেখে লক্ষ্মীকান্তৰ আঁঠুত এটা তিয়ঁহ আকাৰৰ শিল আছে। এই দৃশ্য দেখি চিকিৎসকো আচৰিত হৈ পৰে। চিকিৎসকে লগে লগে লক্ষ্মীকান্তৰ অস্ত্ৰোপচাৰ কৰে। অস্ত্ৰোপচাৰৰ পাছত লক্ষ্মীকান্ত মাধেকাৰে তেওঁৰ পুত্ৰৰ বাইকখন চলাইছিল, যিটো তেওঁ যোৱা ১০ বছৰ ধৰি চলাব পৰা নাছিল। বৰ্তমান লক্ষ্মীকান্ত মাধেকাৰ সম্পূৰ্ণ সুস্থ। আৰু পঢ়কঃ ভাগ্যৰ পৰিহাস! আফগানিস্তানৰ বিত্তমন্ত্ৰীয়ে আমেৰিকাত চলাই আছে উবেৰ কেব