ডিজিটেল ডেস্ক: বিয়াত বহিবলৈ অনিচ্ছুক মহিলাই কাটিলে যুৱকৰ ডিঙি৷ অন্ধ্ৰপ্ৰদেশত সংঘটিত হৈছে এক নিৰ্মম ঘটনা৷ জানিবলৈ পৰা মতে, পিতৃ-মাতৃয়ে বাছনি কৰা পুৰুষজনক বিয়া কৰাবলৈ অনিচ্ছুক আছিল মহিলাগৰাকী৷ যাৰফলত মিহিলাগৰাকীয়ে যুৱকজনৰ ডিঙি কটাৰ দৰে ঘটনাৰ সংঘটিত কৰে ৷
যুৱকজন হৈছে ৰামু নাইডু৷ তেওঁ এজন ঔদ্যোগিক গৱেষণা পৰিষদৰ (চিএছআইআৰ) বৈজ্ঞানিক। তেওঁক ইতিমধ্যই চিকিৎসালয়ত ভৰ্তি কৰোৱা হৈছে। আৰক্ষীয়ে জনোৱা অনুসৰি, ঘটনাটো বিশাখাপত্তনমৰ চোদাভাৰামত সংঘটিত হৈছে। ৰামু নাইডুৱে পুষ্পা নামৰ এগৰাকী যুৱতীৰ সৈতে অহা মাহত বিয়া বহাৰ কথা আছিল। পুষ্পাই নাইডুক ছাৰপ্ৰাইজ দিবলৈ এটি পাহাৰিয়া এলেকাই ফুৰিবলৈ যাৱলৈ অনুৰোধ কৰিছিল ৷ ইপিনে আৰক্ষীয়ে প্ৰকাশ কৰা মতে, 'ছাৰপ্ৰাইজ ডেট'লৈ নাইডুক মাতি মহিলাগৰাকীয়ে ক্ৰয় কৰিছিল ৩খনকৈ ছুৰীও৷ তাত, পুষ্পাই নাইডুৰ ডিঙিত ছুৰীৰে আক্ৰমণ কৰে, যাৰ ফলত তেওঁ গুৰুতৰভাৱে আঘাতপ্ৰাপ্ত হয় বুলি আৰক্ষী সুত্ৰই প্ৰকাশ কৰে।
প্ৰকাশিত এক ভিজুৱেলত দেখা গৈছিল যে মানুহজনক ততাতৈয়াকৈ চিকিৎসালয়লৈ লৈ যোৱা হৈছিল, তেওঁৰ বগা চাৰ্টটো তেজেৰে লুটুৰি-পুটুৰি হৈ আছে। মহিলাগৰাকীয়ে আৰক্ষীক কয় যে তেওঁ নাইডুক বিয়া কৰাব নিবিচাৰে, যাক তেওঁৰ পিতৃ-মাতৃয়ে বাছনি কৰিছিল। লগতে পুষ্পাই কয় যে এই বিয়াখনক লৈ বহুবাৰ আপত্তি কৰিছিল, কিন্তু তেওঁৰ পিতৃ-মাতৃয়ে তেওঁক কোনো কথাক আওকাণ কৰিছিল ৷ যাৰফলত এনে ঘটনা সংঘটিত কৰিবলৈ কুণ্ঠাবোধ কৰা নাছিল পুষ্পা৷
Continue Reading
