ডিজিটেল ডেস্কঃ পেৰিছ অলিম্পিক শেষ হ’লেও এতিয়া ঘৰলৈ উভতি অহা নাই নীৰজ চোপ্ৰা। তেওঁৰ অবিহনে মঙলবাৰে ঘৰলৈ উভতি আহিব ভাৰতীয় দলটো। একেৰাহে দুখন অলিম্পিকত পদক লাভ কৰা খেলুৱৈগৰাকী পেৰিছৰ পৰা জাৰ্মানীলৈ গৈছে। গ্ৰাইণ্ডৰ আঘাত ভাল হ’বলৈ নীৰজে চিকিৎসকৰ পৰামৰ্শ ল’ব।
পৰিয়ালৰ সূত্ৰ অনুসৰি নীৰজ জাৰ্মানীলৈ গৈ আছে। চিকিৎসাৰ বাবে এমাহ তাতেই থাকিব লাগিব পাৰে। পৰৱৰ্তী ডাইমণ্ড লীগত নীৰজক দেখা যাব নে নাই সেয়া চিকিৎসকৰ পৰামৰ্শৰ ওপৰত নিৰ্ভৰ কৰিব। নীৰজে আঘাত মেৰামতিৰ বাবেও অস্ত্ৰোপচাৰ কৰিব লাগিব। ইণ্ডিয়ান অলিম্পিক এছ’চিয়েশ্যনৰ (আই অ’ এ) এজন বিষয়াইও নীৰজৰ পেৰিছৰ পৰা জাৰ্মানীলৈ যোৱাত সমৰ্থন আগবঢ়ায়। নীৰজৰ পৰিয়ালৰ ঘনিষ্ঠ ব্যক্তি এজনে ক'লে, "পেৰিছৰ পৰা নীৰজ জাৰ্মানীলৈ যাব।"
জুন মাহত ফিনলেণ্ডত অনুষ্ঠিত হোৱা পাভু নুৰমি গেমছত খেলাৰ পিছত নীৰজে গ্ৰ’ইনৰ আঘাতৰ কথা প্ৰকাশ কৰিছিল। পেৰিছ অলিম্পিকৰ পূৰ্বে নীৰজ আঘাতৰ বাবে চিন্তিত হৈ পৰিছিল। ২০২৩ চনতো নীৰজে আঘাতপ্ৰাপ্ত হৈছিল। যোৱা বছৰ তেওঁ বিশ্ব চেম্পিয়নশ্বিপ আৰু অলিম্পিকৰ কথা মনত ৰাখি অস্ত্ৰোপচাৰ কৰা নাছিল।
এথলীটগৰাকীৰ পৰিয়ালৰ সূত্ৰ অনুসৰি চিকিৎসকৰ পৰামৰ্শ অনুসৰি তেওঁৰ প্ৰশিক্ষক আৰু ফিজিঅ’ই পৰৱৰ্তী সিদ্ধান্ত গ্ৰহণ কৰিব। নীৰজক পুনৰ কেতিয়া খেলপথাৰত দেখা যাব সেইটো তেওঁলোকে সিদ্ধান্ত ল’ব।
Continue Reading
