ডিজিটেল ডেস্কঃবলীউডৰ অভিনেতা ৰণবীৰ কাপুৰ হিন্দী চলচ্চিত্ৰ উদ্যোগৰ দৰ্শকৰ প্ৰিয় অভিনেতাসকলৰ মাজৰে এজন। নিজস্ব শৈলীৰ অভিনয়ৰে তেওঁ লাখ লাখ লোকৰ হৃদয়ত এক পৃথক স্থান দখল কৰি লৈছে। দৰ্শকে তেওঁৰ বিভিন্ন ৰুচিৰ চলচ্চিত্ৰবোৰ খুবেই ভাল পায়। তেওঁৰ ছবি চোৱাৰ বাবে এক বেলেগ ধৰণৰ অনুৰাগী তথা দৰ্শকেই আছে। অভিনেতাজনক সোনকালেই এখন ৰোমাণ্টিক কমেডি ছবিত দেখা যাব। এই ছবি খনেই হ’ব পাৰে ৰণবীৰ কাপুৰৰ অন্তিম খন ৰোমাণ্টিক কমেডি ছবি ।
এয়া ৰণবীৰে নিজেই কোৱা কথা। শেহতীয়াকৈ অভিনেতগৰাকীয়ে লোহিত সাগৰ আন্তঃৰাষ্ট্ৰীয় চলচ্চিত্ৰ মহোৎসৱৰ ৰেড কাৰ্পেটত কয়, "মই নাজানো ,কিন্তু বয়স হোৱাৰ লগে লগে এনে ছবিত অভিনয় কৰাটো ভাল নহ’ব বুলিয়েই মই ভাবো। সম্ভৱতঃ মই কৰা অন্তিম ৰোমাণ্টিক কমেডীবোৰৰ এখন মোৰ শেহতীয়া ছবি খনেই হ'ব।" ৰ
ণবীৰৰ আহিবলগীয়া শিৰোনাম বিহীন ৰোমাণ্টিক ছবি খন লাভ ৰঞ্জনে পৰিচালনা কৰিছে। ছবিখনত তেওঁৰ সহ-অভিনেতা হৈছে শ্ৰদ্ধা কাপুৰ। এই চলচ্চিত্ৰখনৰ উপৰি ৰণবীৰক শীঘ্ৰেই 'এনিমেল'ত দেখা যাব। চলচ্চিত্ৰখনত তেওঁক এক বিশেষ চৰিত্ৰত দেখা যাব। ছবিখন পৰিচালনা কৰিছে সন্দীপ ভাঙ্গা ৰেড্ডীয়ে। তেওঁ কয় যে তেওঁ 'এনিমেল'ৰ চিত্ৰনাট্যৰ চায়েই সেই ছবিখনত অভিনয় কৰাৰ সিদ্ধান্ত লৈছিল।
কিয়নো তেওঁ আৰামৰ ক্ষেত্ৰ খনৰ পৰা ওলাই আহিব বিচাৰিছিল।অভিনেতাগৰাকীয়ে লগতে কয় যে তেওঁ তেওঁৰ চৰিত্ৰটোক লৈ উৎসাহিত বোধ কৰিছিল। ৰণবীৰৰ উপৰি ছবিখনত অনিল কাপুৰ আৰু ৰশ্মিকা মান্দন্নাই গুৰুত্বপূৰ্ণ চৰিত্ৰত অভিনয় কৰিছে। ৰণবীৰক অলপতে ব্ৰহ্মাস্ত্ৰত দেখা গৈছিল। ছবিখনে বক্স অফিচত ২৫৭.৪৪ কোটি টকা সংগ্ৰহ কৰিবলৈ সক্ষম হৈছে।
Continue Reading
