অমৃতসৰৰ বিএছএফ কেম্পত কিদৰে সংঘটিত হ’ল গুলীচালনা? ৫জন জোৱান নিহত

ডিজিটেল ডেস্ক : দেশৰ নিৰাপত্তা বাহিনীৰ ওপৰত আন এক ভয়ংকৰ আক্ৰমণ সংঘটিত হৈছে। পঞ্জাবৰ অমৃতসৰৰ খাচা গাঁৱত বিএছএফৰ এটা মেছত গুলীচালনাৰ ঘটনা সংঘটিত হয়। অমৃতসৰৰ খাচা গাঁৱত থকা বিএছএফৰ এটা মেছত গুলীচালনা এই ঘটনা সংঘটিত হয়। গুলীচালনা কৰা কনিষ্টবলজনসহ প্ৰায় পাঁচজন সীমান্ত সুৰক্ষা বাহিনীৰ (বিএছএফ) জোৱানৰ এই ঘটনাত মৃত্যু হোৱাৰ খবৰ পোৱা গৈছে। আজি পুৱাৰ ভাগতে ঘটনাটো সংঘটিত হৈছিল। অমৃতসৰত বিএছএফৰ মেছৰ ভিতৰত অকস্মাৎ এজন কনিষ্টবলে গুলীচালনা কৰিবলৈ আৰম্ভ কৰে। প্ৰত্যাক্ৰমণত বিএছএফৰ কনিষ্টবলজনো নিহত হৈছে। এই ঘটনাত আন কেইবাজনো লোক আহত হয় আৰু আহত জোৱানসকলৰ এজনৰ অৱস্থা সংকটজনক বুলি সংবাদ মাধ্যমত প্ৰকাশ পাইছে। এই ঘটনাটোৱে ব্যাপক ৰহস্যৰ সৃষ্টি কৰিছে। এতিয়ালৈকে, চাৰিজন বিএছএফ জোৱানৰ মৃতদেহ চিকিৎসালয়লৈ নিয়া হৈছে। ঘটনা সন্দৰ্ভত বিএছএফৰ বিষয়াসকলে এক বিবৃতিত কয়, ‘এটা অতি দুৰ্ভাগ্যজনক ঘটনাত অমৃতসৰৰ বিএছএফ কেম্পত পাঁচজনকৈ জোৱানে প্ৰাণ হেৰুৱাইছে। ঘটনাটোত কেপ্টেইন সত্তেপ্পা এছ কেও আঘাতপ্ৰাপ্ত হৈছিল। আহত ৬জনৰ ভিতৰত কেপ্টেইন সত্তেপ্পাকে ধৰি ৫জনে প্ৰাণ হেৰুৱাইছে। আহতসকলৰ ভিতৰত এজনৰ অৱস্থা সংকটজনক। এই ঘটনাৰ এটা ন্যায়িক তদন্তৰ নিৰ্দেশ দিয়া হৈছে।’ ইফালে, আটাইকেইজন আহত জোৱানক গুৰু নানক দেৱ চিকিৎসালয়ত ভৰ্তি কৰোঁৱা হৈছে। আৰক্ষীয়ে ঘটনাটোৰ তদন্ত আৰম্ভ কৰিছে। কিহৰ পৰা এই ঘটনাৰ সূত্ৰপাত ঘটিল সেয়া এতিয়াও স্পষ্ট হোৱা নাই।