ডিজিটেল ডেস্কঃ আগন্তুক সাত বছৰৰ ভিতৰত মানুহে অমৰত্ব লাভ কৰিবলৈ সক্ষম হ’ব৷ শেহতীয়াকৈ গুগলৰ প্ৰাক্তন অভিযন্তা ৰে কুৰ্জৱেইলে এই ভৱিষ্যদ্বাণী কৰিছে। নেন’ৰবটৰ সহায়ত এই কাম সম্ভৱ হ’ব বুলিও তেওঁ কয়।
প্ৰযুক্তিৰ ক্ষেত্ৰত আগবঢ়োৱা অৱদানৰ বাবে ৰেই অসংখ্য বঁটা লাভ কৰিছে। তেওঁৰ মতে আমি জেনেটিক্স, ৰবটিক্স আৰু নেন’টেকন’লজীৰ ক্ষেত্ৰত যি অগ্ৰগতি লাভ কৰিছো, তাৰ লগে লগে অতি সোনকালে আমাৰ শিৰাৰ মাজেৰে নেন’বটবোৰে খোজ কাঢ়িব পাৰিব।
এই অণুবীক্ষণিক ৰবটবোৰে বাৰ্ধক্য আৰু ৰোগ প্ৰতিৰোধ কৰিব বুলি তেওঁ দাবী কৰে, আৰু আমাৰ শৰীৰৰ কোষীয় স্তৰবোৰ গঢ়ি তুলিব, যাৰ ফলত আমি অমৰত্বৰ দিশে আগবাঢ়িব পাৰো।
৭৫ বছৰীয়া কম্পিউটাৰ বিজ্ঞানীগৰাকীয়ে স্বাস্থ্য, কৃত্ৰিম বুদ্ধিমত্তা (AI) আৰু ভৱিষ্যতৰ ওপৰত গ্ৰন্থ লিখিছে। বিভিন্ন সময়ত তেওঁ যিবোৰ ভৱিষ্যদ্বাণী কৰিছে, সেইবোৰ আপাত দৃষ্টিত শুদ্ধ বুলি প্ৰমাণিত হৈছে। তেওঁ কয় যে ১৯৯৯ চনৰ ভিতৰত গ্ৰাহকে ঘৰুৱা কম্পিউটাৰৰ পৰা নিজৰ সঠিক জোখ অনুসৰি কাপোৰ ডিজাইন কৰিব পাৰিব।
তেওঁ লগতে কয় যে ২০০০ চনৰ ভিতৰত বিশ্বৰ শ্ৰেষ্ঠ দবা খেলুৱৈ এজন কম্পিউটাৰৰ হাতত পৰাস্ত হ’ব। তেওঁৰ এই সকলোবোৰ দাবী সত্য বুলি প্ৰমাণিত হৈছে।
২০৪৫ চনৰ ভিতৰত মানৱ শৰীৰ আৰু কৃত্ৰিম বুদ্ধিমত্তা এক হৈ উঠিব বুলিও ৰেই কয়। ফলত মানুহৰ দক্ষতা আৰু বুদ্ধিমত্তা কেইবাগুণো বৃদ্ধি পাব। এই পদ্ধতিক ‘The Singularity’ বোলা হয়। তেওঁৰ মতে ২০২৯ চনৰ ভিতৰত কৃত্ৰিম বুদ্ধিমত্তাই মানুহৰ সদৃশ বুদ্ধিমত্তা লাভ কৰিবলৈ সক্ষম হ’ব।
Continue Reading
