ডিজিটেল ডেস্ক: দেশৰ ৰাজনৈতিক ইতিহাসত এক নজিৰ সৃষ্টি কৰি অন্ধ্ৰ প্ৰদেশৰ মুখ্যমন্ত্ৰী এছ জগন মোহন ৰেড্ডীক শনিবাৰে যুৱজনা শ্ৰমিকা ৰাইথু কংগ্ৰেছৰ (ৱাইএছআৰচি) জীৱনজোৰা সভাপতি নিৰ্বাচিত কৰা হৈছে। ৱাইএছআৰচিৰ দুদিনীয়া পূৰ্ণাংগ সভাৰ আজি অন্তিম দিনা জগন মোহন ৰেড্ডীক দলটোৰ জীৱন জোৰা সভাপতি হিচাবে নিৰ্বাচিত কৰা হয়।
অৱশ্য ইয়াৰ বাবে দলৰ সংবিধান সংশোধন কৰাৰ প্ৰয়োজন হৈছিল আৰু সংশোধনৰ পিছতে জগন মোহনক আজীৱন সভাপতি হিচাপে নিৰ্বাচন কৰা হয়।
দলৰ ৰাষ্ট্ৰীয় সভাপতি পদৰ বাবে ৱাইএছ জগন মোহন ৰেড্ডীৰ হৈ ২২ খন মনোনয়ন দাখিল কৰা হৈছিল আৰু তেওঁৰ বিৰুদ্ধে আন কোনো নেতাৰ মনোনয়ন নথকাৰ বাবে তেওঁক ৰিটাৰ্ণিং বিষয়াই সৰ্বসন্মতিক্ৰমে নিৰ্বাচিত ঘোষণা কৰিছিল।
জগনমোহনে কংগ্ৰেছ ত্যাগ কৰাৰ পিছত ২০১১ চনৰ মাৰ্চ মাহত ৱাইএছআৰচি দল প্ৰতিষ্ঠা কৰিছিল। তেতিয়াৰ পৰাই তেওঁ দলৰ সভাপতিৰ পদত আছে। জগনক শেষবাৰৰ বাবে ২০১৭ চনত দলৰ পূৰ্ণাংগ সভাত ৱাইএছআৰচিৰ সভাপতি নিৰ্বাচিত কৰা হৈছিল।
ৱাইএছ জগন মোহন ৰেড্ডীক ৱাইএছআৰচিপিৰ আজীৱন সভাপতি হিচাপে নিৰ্বাচন ঘোষণা কৰাৰ পিছতে দলৰ নেতাসকলে তেওঁক অভিনন্দন জনায়। ৰেড্ডীৰ মাতৃ ৱাইএছ বিজয়ম্মাই এই স্বীকৃতিৰ বাবে সুখী বুলি আভিহিত কৰিছিল।
উল্লেখ্য যে জগনৰ মাতৃ বিজয়ম্মাই দলটোৰ পৰা পদত্যাগ কৰিছে। খবৰ অনুসৰি পৰিয়ালটোত চলি থকা বিভেদৰ বাবে জগনৰ মাতৃয়ে তেওঁৰ কন্যা শৰ্মিলাৰ সৈতে ৱাইএছআৰচি ত্যাগ কৰিছে।
ৱাইএছআৰচিয়ে এতিয়া জগনক আজীৱন দলৰ মুৰব্বী হ’বলৈ ভাৰতৰ নিৰ্বাচন আয়োগৰ সন্মতি বিচাৰিব লাগিব।
Continue Reading
