ডিজিটেল ডেস্কঃ নিয়তিৰ কৰুণ পৰিহাস৷টাইটানিক জাহাজৰ ধ্বংসাৱশেষৰ স্থানলৈ যোৱা দুৰ্ভাগ্যজনক অভিযানত পিতৃৰ সৈতে যোৱা ১৯ বছৰীয়া বিশ্ববিদ্যালয়ৰ ছাত্ৰ চুলেমান ডাউড আৰু পিতৃ দুয়োজনৰে মৃত্যু ঘটিছে৷উল্লেখ কৰা অনুসৰি চুলেমানে এই যাত্ৰাত যোৱাত আতংকিত অনুভৱ কৰিছিল আৰু এই যাত্ৰাক লৈ গভীৰ সংশয় প্ৰকাশ কৰিছিল। গভীৰ সাগৰত ডুব যোৱা ছাবমেৰিন টাইটানত থকা পাঁচোজনেই বিস্ফোৰণত নিহত হয় আৰু ইয়াৰে ভিতৰত এজন চুলেমানো আছিল।
কানাডাৰ উপকূলৰ ওচৰত টাইটানৰ গভীৰ সাগৰৰ ডুব যোৱা ছাবমেৰিনখন সাগৰত যোৱাৰ আগৰ দিনকেইটাত চুলেমান ডাউডে টাইটানিকৰ ধ্বংসাৱশেষ অন্বেষণ কৰিবলৈ কৰা ভ্ৰমণৰ বাবে "দ্বিধাবোধ" কৰিছিল আৰু "আতংকিত" অনুভৱ কৰিছিল।
চুলেমানে টাইটানিকৰ ধ্বংসাৱশেষৰ স্থানলৈ যাত্ৰাত তেওঁৰ পিতৃ ব্ৰিটিছ-পাকিস্তানী ব্যৱসায়ী শ্বাহজাদা ডাউদ (৪৮)ৰ সৈতে গৈছিল। টাইটান ছাবমাৰ্চিবলত নিহত হোৱা আন কেইজন হ’ল অ’চেনগেটৰ ৬১ বছৰীয়া চিইঅ’ ষ্টকটন ৰাছ আৰু টাইটানৰ পাইলট ব্ৰিটিছ ব্যৱসায়ী হামিছ হাৰ্ডিং (৫৮) আৰু ফ্ৰান্সৰ অভিযাত্ৰী পল-হেনৰী নাৰ্জিঅ’লেট (৭৭)।
এনবিচিক দিয়া এক সাক্ষাৎকাৰত চুলেমানৰ পেহীয়েক আজমেহ ডাউডে কয় যে, "এই অভিযানত পিতৃৰ সৈতে যোৱা চুলেমান ডাউডে যোৱাৰ ক্ষেত্ৰত দ্বিধাবোধ প্ৰকাশ কৰিছিল। তেওঁ ইয়াৰ বাবে বৰ বেছি সাজু নাছিল আৰু ভ্ৰমণৰ বাবে আতংকিত অনুভৱ কৰিছিল।"
Continue Reading
