ডিজিটেল ডেস্কঃ অসৎ আচৰণৰ বাবে এইচ ডি এফ চি বেংকে নিলম্বন কৰিলে এগৰাকী মেনেজাৰক। অনলাইন মিটিঙৰ সময়ত মেনেজাৰগৰাকীয়ে সহকৰ্মীসকলৰ সৈতে অসৎ আচৰণ কৰাৰ অভিযোগ উত্থাপন হৈছে। কোনোবাই মেনেজাৰজনৰ ভিডিঅ’ বনাই ছ’চিয়েল মিডিয়াত ভাইৰেল কৰিছিল। ভিডিঅ’টোত মেনেজাৰজনে নিজৰ সহকৰ্মীসকলক টাৰ্গেট কমপ্লিট নকৰাৰ বাবে বাংলা ভাষাত চিঞৰি গালি পৰিছিল।
ভিডিঅ’টোত মেনেজাৰজনে তেওঁৰ সহকৰ্মীসকলক সুধিছিল,
‘যোৱা দুদিনত আপুনি কিমান চেভিংছ একাউণ্ট আৰু কাৰেণ্ট একাউণ্ট খুলিছে? মোক কওক.'
তাৰ পাছত তেওঁ চিঞৰি আছিল আৰু আন এজন কৰ্মচাৰীক সুধিছিল
'আপুনি ১৫টা একাউণ্ট খুলিব লাগিছিল, আপুনি ৫টা খুলিছিল।'
এই ভিডিঅ’টো টুইটাৰত শ্বেয়াৰ কৰিছে ছাৰা নামৰ এজন ব্যৱহাৰকাৰীয়ে। তেওঁলোকে লিখিছিল,
এইচ ডি এফ চি বেংকৰ মেনেজাৰ পুষ্পল ৰায়ে কৰ্মচাৰীৰ লগত বেয়া আচৰণ কৰিছিল। মই যদি কৰ্মচাৰীৰ ঠাইত থাকিলোহেঁতেন তেন্তে তাতেই উত্তৰ দিলোঁহেঁতেন, কিন্তু কৰ্মচাৰীসকলে কিয় আৰু কেনেকৈ শুনি আছে নাজানো। তেওঁক ততাতৈয়াকৈ নিলম্বন কৰিব লাগে!
ছাৰাৰ এই টুইটৰ উত্তৰত এইচ ডি এফ চিৰ চাৰ্ভিচ মেনেজাৰ অজয়ে কয়, ''হাই চাৰা, এইটো শেহতীয়াকৈ ভাইৰেল হোৱা ভিডিঅ'টোৰ বিষয়ে তথ্য। এই বিষয়ত প্ৰাথমিক তদন্তৰ ভিত্তিত সংশ্লিষ্ট কৰ্মচাৰীজনক নিলম্বন কৰি বিতং তদন্ত আৰম্ভ কৰা হৈছে। আমি এইচ ডি এফ চি বেংকত যিকোনো ধৰণৰ অসৎ আচৰণৰ বাবে শূন্য সহনশীলতা নীতি ৰাখিছো। আমি আমাৰ সকলো কৰ্মচাৰীক মৰ্যাদা আৰু সন্মানেৰে ব্যৱহাৰ কৰাত বিশ্বাস কৰোঁ। সেয়েহে অসৎ আচৰণ কৰা কৰ্মচাৰীজনক নিলম্বন কৰা হ'ল।''
টুইটত ছাৰাই কৰ্মচাৰীজনৰ নাম পুষ্পল ৰায় বুলি উল্লেখ কৰে। কিন্তু কৰ্মচাৰীজনৰ নাম এইচ ডি এফ চি বেংকে প্ৰকাশ কৰা নাই।
Continue Reading
