ডিজিটেল ডেস্কঃ অনুশীলনৰ সময়তে দুৰ্ঘটনাত পতিত হ’ল দুখনকৈ যুঁজাৰু বিমান ম। মাজ আকাশতে বিমান দুখনৰ মাজত সংঘৰ্ষ হয়। লগে লগে বিমান দুয়ো খন জ্বলি উঠে আৰু দুজন পাইলটৰ মৃত্যু হয়।এই ভয়ংকৰ ঘটনাটো কলম্বিয়াত ঘটিছে। ঘটনাটোৰ ভিডিঅ' ভাইৰেল হৈ পৰিছে। অৱশ্যে, প্ৰাগ নিউজ ডিজিটেলে ভিডিঅ'টোৰ সত্যতা প্ৰমাণ কৰা নাই।
কলম্বিয়া ডব্লিউ ৰেডিঅ'ৰ মতে এপি বায়ু সেনা ঘাটিত যুঁজাৰু বিমানৰ প্ৰশিক্ষণ অনুশীলন চলি আছিল। সেই সময়তে এখন বিমানে আন এখন বিমানৰ নিচেই কাষেৰে পাৰ হৈ যায়। তেনে সময়তে দুয়োখন বিমানৰ পাংখাৰ মাজত সংঘৰ্ষ হয়। লগে লগে বিমান দুখনত জুই লাগে। লগে লগে এটা বিস্ফোৰণো হয় । কলম্বিয়াৰ বায়ু সেনাৰ সূত্ৰই প্ৰকাশ কৰা মতে দুৰ্ঘটনাটোত দুয়োজন পাইলট নিহত হৈছে।
বায়ুসেনাৰ এজন বিষয়াই কয়, "প্ৰাথমিক ভাৱে দুয়োখন বিমানৰ মাজত হোৱা সংঘৰ্ষৰ বাবেই দুৰ্ঘটনাটো হোৱা বুলি ধাৰণা কৰা হৈছে।" অৱশ্যে, প্ৰকৃততে কি ঘটিছিল আৰু কোনো যান্ত্ৰিক ত্ৰুটি আছিল নেকি সেয়া অনুসন্ধান কৰা হ'ব। দুৰ্ঘটনাগ্ৰস্ত হোৱা বিমান দুখন আছিল টি-২৭ ছিৰিজৰ বিমান।
Continue Reading
