ডিজিটেল ডেস্কঃ প্ৰেমে মাঁথো হৃদয় চিনে। প্ৰেম কেতিয়া কাৰ লগত হৈ যায় সেয়া কোনেও কব নোৱাৰে। শেহতীয়াকৈ এক প্ৰেমৰ খবৰে বিশ্বজুৰি চৰ্চা লাভ কৰিছে। প্ৰেমিকৰ বয়স ৮০ আৰু প্ৰেমিকাৰ বয়স ৩৬ বছৰ। ৰোলিং ষ্টোনছ বেণ্ডৰ তাৰকা মিক জেগাৰে প্ৰেমিকা মেলানি হেমৰিকৰ সৈতে বাগদান সম্পন্ন কৰিছে।
২০১৪ চনৰ পৰা মিক জেগাৰ আৰু মেলানি হেমৰিক প্ৰেমৰ সম্পৰ্কত আছে। তেওঁলোকৰ এটা সন্তানো আছে। বিবাহৰ পূৰ্বেই এটি সন্তানৰ পিতৃ-মাতৃ হল এই দম্পতী। ২০১৬ চনত সন্তানটি জন্ম দিছিল মেলানি হেমৰিকে।
বৰ্তমান তেওঁলোকৰ আঙুঠি পিন্ধোৱা পৰ্ব সমাপন হৈছে। যদি এই বিয়াখন হয় তেন্তে মেলানিয়া হ’ব মিক জেগাৰৰ তৃতীয় পত্নী। ১৯৭১ চনত প্ৰথমবাৰৰ বাবে বিবাহপাশত আবদ্ধ হয় মিক। বিয়াংকা পেৰেজ মোৰা মেচিয়াছৰ সৈতে মিক জেগাৰে ৭ বছৰ সংসাৰ কৰিছিল। ইয়াৰ পাছত মিকে মডেল জেৰী হলক বিয়া পাতে। প্ৰায় ২২ বছৰ জেৰী হলৰ লগত সংসাৰ কৰিছিল মিক জেগাৰে। কিন্তু ১৯৯৯ চনত তেওঁলোকৰ মাজত বিচ্ছেদ ঘটে।
ইয়াৰ বাহিৰেও তেওঁৰ জীৱনলৈ বাৰে বাৰে প্ৰেম আহিছে। অভিনেত্ৰী মাৰ্ছা হাণ্ট আৰু মডেল লুচিয়ানা মৰাড গিমেনেজৰ সৈতে মিকৰ বাগদান হৈছিল যদিও পিছত বিয়া পতা নাছিল। মিক এতিয়া আঠটা সন্তানৰ পিতৃ। তেওঁৰ প্ৰথম সন্তানৰ নাম কেৰিছ হাণ্ট। তেওঁৰ বয়স ৫৩ বছৰ।
মিক জেগাৰ আৰু মেলানি হেমৰিকৰ লগ হৈছিল জাপানত। ২০১৪ চনৰ ফেব্ৰুৱাৰী মাহত এক অনুষ্ঠানপ বাবে দুয়ো টকিঅ'ত ভ্ৰমণলৈ গৈছিল। সেই চিনাকিয়ে পাছলৈ প্ৰেমৰ ৰূপ লয় আৰু দুয়ো দীৰ্ঘ সময় ধৰি প্ৰেমৰ সম্পৰ্কত বান্ধ খাই আছে।
Continue Reading
