ডিজিটেল ডেস্কঃ এগৰাকী গায়িকাৰ ৰহস্যজনক মৃত্যুৱে এতিয়া আলোড়ণৰ সৃষ্টি কৰিছে। সেই সময়ত মঞ্চৰ সন্মুখত আছিল শ শ দৰ্শক। সকলোৱে অপেক্ষা কৰি আছিল তেওঁলোকৰ প্ৰিয় গায়িকাৰ আগমনৰ বাবে। কিন্তু তেওঁ মঞ্চলৈ উঠি অহা নাছিল। তেওঁ হঠাতে ক'লৈ গ’ল ?
চাৰিওফালে সকলোৱে গায়িকাক বিচাৰিবলৈ আৰম্ভ কৰিলে। অৱশেষত জনপ্ৰিয় কোৰিয়ান গায়িকাগৰাকীৰ মৃতদেহ শৌচালয়ত উদ্ধাৰ হয়।
মৃত গায়কগৰাকীৰ নাম লী চাং য়ুন। বয়স ৪৬ বছৰ। তেওঁ কোৰিয়ান সংগীত উদ্যোগত লী জিজ হিচাপে জনপ্ৰিয়। শিল্পীগৰাকীয়ে ১৯৮০ ৰ দশকত তেওঁৰ সংগীতৰ কেৰিয়াৰ আৰম্ভ কৰিছিল। তেওঁ আমেৰিকা যুক্তৰাষ্ট্ৰৰ মেনেছ স্কুল অৱ মিউজিকত সংগীতৰ বিষয়ে অধ্যয়ন কৰিছিল আৰু সংগীত বিষয়ত স্নাতকোত্তৰ ডিগ্ৰী অৰ্জন কৰিছিল।
পিছত তেওঁ কোৰিয়ালৈ উভতি আহিছিল আৰু তেওঁৰ কেৰিয়াৰ পুনৰ আৰম্ভ কৰিছিল। তাৰ পিছত তেওঁ একাধিক জনপ্ৰিয় এলবাম মুকলি কৰিছিল। কিন্তু কি পৰিস্থিতিত অনুযষ্ঠান পৰিবেশনৰ মাত্ৰ কেই মুহূৰ্তমান পূৰ্বে গায়িকাগৰাকীয়ে মৃত্যুক সাৱটিলে সেয়া ৰহস্যৰ বিষয় হৈ পৰিছে। গায়িকাগৰাকীক হত্যা কৰা হ’ল নে তেওঁ আত্মহত্যা কৰিছে তাকেলৈয়ো অনুৰাগীসকল বিপাঙত পৰিছে।
Continue Reading
