ডিজিটেল ডেস্কঃ অন্য ছোৱালীলৈ চোৱাৰ বাবেই প্ৰেমিকক ভয়ংকৰ আক্ৰমণ কৰিলে এগৰাকী মহিলাই। কুকুৰক দিয়া বেজীৰে প্ৰেমিকাই আক্ৰমণ কৰিলে প্ৰেমিকক। কেতিয়াবা আপুনি প্ৰেমৰ সম্পৰ্কত থকা যুৱক-যুৱতীৰ মুখত নিশ্চয় শুনিছে যে বেলেগলৈ চালে চকু ফুটাই দিম। সেয়া ধেমালিতে শুনোৱা এক সাৱধানবাণী। পাছে সঁচাকৈয়ে এনে এক ঘটনা সংঘটিত হ'ল।
বেলেগ ছোৱালীলৈ চোৱাৰ বাবেই প্ৰেমিকৰ চকুত কুকুৰক দিয়া বেজীৰে খুঁচিলে ৪৪ বছৰীয়া প্ৰেমিকাই। প্ৰেমিকে তেওঁৰ বাহিৰেও আন ছোৱালীক চোৱাৰ বাবেই তেওঁ খঙত উতলা হৈ পৰে। ইয়াকে লৈ প্ৰেমিক আৰু প্ৰেমিকাৰ মাজত কাজিয়া আৰম্ভ হয় আৰু ইয়াৰ পাছতেই কুকুৰক দিবলৈ আনি থোৱা ৰেবীজ বেজীৰে প্ৰেমিকৰ চকুত আক্ৰমণ কৰে প্ৰেমিকাই। এই ঘটনা সংঘটিত হৈছে আমেৰিকাৰ ফ্লৰিডাত।
আৰক্ষীক দিয়া এক বিবৃতিত প্ৰেমিকজনে কয় যে তেওঁ চোফাত পৰি থকা অৱস্থাত জিমেনেজে(প্ৰেমিকা) তেওঁক দুটা বেজীৰে আক্ৰমণ কৰে। সেই সময়ছোৱাত তেওঁৰ সোঁ চকুৰ পতাত বেজী এটা সোমাই ফুটা হৈ পৰে। ইয়াৰ পাছতে জিমনেজে পলায়ন কৰে আৰু প্ৰেমিকজনে ৯১১ নম্বৰত ডায়েল কৰে। কেইঘণ্টামান পিছতে আৰক্ষীয়ে প্ৰেমিকা জিমেনেক ঘৰৰ বাহিৰত এখন গাড়ীত শুই থকা অৱস্থাত উদ্ধাৰ কৰি আটক কৰে আৰু প্ৰেমিকক স্থানীয় চিকিৎসালয়লৈ প্ৰেৰণ কৰে।
অৱশ্যে জিমেনেজে নিজৰ অপৰাধ স্বীকাৰ কৰা নাই আৰু তেওঁৰ প্ৰেমিকৰ আঘাত আত্মহত্যাৰ চেষ্টা বুলি দাবী কৰিছে। আৰক্ষীৰ প্ৰতিবেদন অনুসৰি অভিযুক্ত মহিলাগৰাকীক মিয়ামিৰ টাৰ্নাৰ গিলফৰ্ড নাইট কাৰেকচনেল চেণ্টাৰত ৰখা হৈছে। লগতে তেওঁৰ বিৰুদ্ধে ৭৫০০ ডলাৰ জৰিমনা বিহা হৈছে। উল্লেখ্য যে দুয়ো ৮ বছৰ ধৰি প্ৰেমৰ সম্পৰ্কত আছিল।
Continue Reading
