ডিজিটেল ডেস্কঃ অৰণ্যৰ মাজত পৰি ৰৈছে শাৰী শাৰী মূৰ্তি। এই মূৰ্তি বোৰ কোনে কেতিয়া নিৰ্মাণ কৰিছিল সেয়া সঠিককৈ জনা নাযায়। মূৰ্তিবোৰে আজিও পৰ্যটকৰ দৃষ্টি আকৰ্ষণ কৰি আহিছে।এই মূৰ্তিবোৰ জাপানৰ নিক্কো-ছি চহৰৰ এক পাহাৰীয়া অঞ্চলত দেখিবলৈ পোৱা যায়। হাবিৰ মাজত শাৰী শাৰীকৈ থকা এই মূৰ্তিবোৰক জাপানত জিজো বুলি কোৱা হয়।
পৰ্যটকসকল কানমঙ্গফুচিৰ হাবিত থকা জাপানী দেৱতা জিজোৰ অসংখ্য মূৰ্তিৰ দেখি হতভম্ব হৈ আহিছে।
ঘন অৰণ্যৰ মাজত এটা ঠেক পথ আছে । ইয়াৰ কাষতে গছৰ মাজত শাৰী শাৰীকৈ সজোৱা আছে শিলৰ মূৰ্তি বোৰ। প্ৰত্যেকটো মূৰ্তিৰে মূৰত একোটাকৈ ৰঙা টুপী আছে। ডিঙিত ওলমি আছে ৰঙা ৰঙৰ কাপোৰ এখন । মাক দেউতাকে সাধাৰণতে শিশুসকলক ভয় খুৱাবলৈ এইবোৰ মূৰ্তিৰ কথা কয় ।
প্ৰতি বছৰে জাপানত সেই মূৰ্তিবোৰ চাবলৈ বিশ্বৰ বহু দেশৰ লোকে ভিৰ কৰে। আচৰিত কথাটো হ’ল সেই মূৰ্তিবোৰ গণনা কৰা আৰম্ভ কৰাৰ লগে লগেপ্ৰতিবাৰে গণনাত আউল লাগে বুলি বহুতে কৈ আহিছে।প্ৰতিবাৰ গণনা কৰোতে মূৰ্তিৰ হিচাব হেনো বেলেগ বেলেগ ওলায়। মুঠতে কিমানটা মূৰ্তি আছে? সেই সংখ্যাটো এতিয়াও সেয়ে কোনেও মিলাব পৰা নাই। জাপানী লোককাহিনীত এই মূৰ্তিবোৰৰ কথা উল্লেখ আছে। মূৰ্তিবোৰকলৈ অধিক গৱেশণা কৰিলে হয়তো নতুন নতুন তথ্য পোহৰলৈ আহিব।
Continue Reading
