ডিজিটেল ডেস্কঃ প্ৰেমিকাক প্ৰতাৰণা কৰি ফুটবল তাৰকা নেইমাৰে ক্ষমা বিচাৰিলে। নেইমাৰে ছ’চিয়েল মিডিয়াত পোষ্ট কৰি ক্ষমা বিচাৰিলে তেওঁৰ গৰ্ভৱতী প্ৰেমিকাক। কিন্তু কিয়?
ব্ৰাজিলৰ ষ্ট্ৰাইকাৰগৰাকীয়ে প্ৰেমিকা ব্ৰুনা বিয়ানকাৰ্ডিৰ সৈতে এখন ফটো শ্বেয়াৰ কৰে। তেওঁ লগতে লিখিছে, “মই তোমাৰ আৰু তোমাৰ পৰিয়ালৰ বাবে এই কাম কৰিছো। মই কি কৈছো সেয়া বুজি পোৱাটো আচলতে সম্ভৱ নহয়। মই কোনো অজুহাত উলিয়াব পৰা নাই। কিন্তু মোৰ জীৱনত তোমাৰ প্ৰয়োজন। মই জানো তুমি কিমান কষ্ট পাইছা। মই তোমাৰ কাষত থাকিব বিচাৰো। মই তোমাৰ কাষত থিয় হ'ব বিচাৰো।"
নেইমাৰ আন এগৰাকী মহিলাৰ সৈতে প্ৰেমৰ সম্পৰ্ক থকা বুলি চৰ্চা চলিছিল। কথাটো স্বীকাৰো কৰে তেওঁ। সেইবাবেই তেওঁ ক্ষমা খুজিলে।
নেইমাৰে লিখিছে, ‘মই ভুল কৰিলোঁ। মই তোমালোক সকলোকে অন্যায় কৰিছো। মই প্ৰতিদিনে ভুল কৰো। পাৰিবাৰিক জীৱনত হোৱা ভুলবোৰ শুধৰাই দিবলৈ চেষ্টা কৰিছো। মোৰ জীৱনৰ আটাইতকৈ প্ৰিয় প্ৰেয়সীয়ে আঘাত পাইছে। তাই মোৰ সপোনৰ নায়িকা, মোৰ সন্তানৰ মাতৃ। তেওঁৰ পৰিয়ালটো আঘাতপ্ৰাপ্ত হৈছে। সেই পৰিয়ালটো এতিয়া মোৰো পৰিয়াল। তাই মাতৃ হ'ব, জীৱনৰ এটা গুৰুত্বপূৰ্ণ সময়ৰ মাজেৰে পাৰ হৈছে।’’
নেইমাৰে পেৰিছ চেণ্ট জাৰ্মেইনত খেলিছিল। অহা ছিজনত তেওঁ সেই দলত খেলিব নে নাই সেয়া স্পষ্ট হোৱা নাই। প্ৰেমিকালৈ লিখিছিল, “ব্ৰু, মোক ক্ষমা কৰিবা। সকলোৰে সন্মুখত আপোনালোকৰ ওচৰত ক্ষমা বিচাৰিছো। ব্যক্তিগত কথা ওলাইছে, গতিকে সকলোৰে সন্মুখত ক্ষমাও বিচৰা উচিত।’’
নেইমাৰে আৰু লিখে- ''তোমাৰ অবিহনে এদিনৰ কথা ভাবিব নোৱাৰো। আকৌ এবাৰ একেলগে থাকিব পাৰিম নেকি নাজানো। কিন্তু চেষ্টা কৰিম। শিশুটিৰ প্ৰতি আমাৰ মৰম মাথোঁ জয়ী হ’ব। আমাৰ ইজনে সিজনৰ প্ৰতি থকা প্ৰেমে মাত্ৰ জয়ী হ’ব। তোমাক ভাল পাওঁ।"
Continue Reading
