ডিজিটেল ডেস্কঃ ভাৰতীয় ক্ৰিকেটৰ পুৰুষ জাতীয় দলৰ পৰৱৰ্তী মুখ্য নিৰ্বাচক হ’বলৈ আগশাৰীৰ প্ৰাৰ্থী হিচাপে আত্মপ্ৰকাশ কৰিছে বীৰেন্দ্ৰ ছেহৱাগে। ক্ৰিকেট বৰ্ড প্ৰাক্তন তাৰকা ক্ৰিকেটাৰগৰাকীৰ কাষ চাপিছেোযদিও ছেহৱাগক নিযুক্ত কৰাত এটা ডাঙৰ বাধা আহি পৰিছে, যিটো সমস্যা হৈছে বিচিচিআইয়ে আগবঢ়োৱা পাৰিতোষিক।
ছমাহ পূৰ্বে চেতন শৰ্মাৰ বিদায়ৰ পাছত ভাৰতীয় ক্ৰিকেট নিয়ন্ত্ৰণ ব’ৰ্ডে পৰৱৰ্তী মুখ্য নিৰ্বাচকক বিচাৰিছে। বি চি চি আইৰ সংবিধান অনুসৰি চেতন শৰ্মা একেটা জ’নৰ হোৱাৰ বাবে বাছনি সমিতিৰ পৰৱৰ্তী অধ্যক্ষ উত্তৰ মণ্ডলৰ পৰা হ’ব। বাছনি পেনেলৰ অধ্যক্ষই বছৰি ১ কোটি টকা উপাৰ্জন কৰে আৰু আন নিৰ্বাচকসকলে ৯০ লাখ টকা উপাৰ্জন কৰে।
এক প্ৰতিবেদন অনুসৰি বিচিচিআইৰ এজন বিষয়াই প্ৰকাশ কৰিছে যে অনিল কুম্বলেৰ পূৰ্বে খালী হোৱা মুখ্য প্ৰশিক্ষকৰ পদৰ বাবে ছেহৱাগক আবেদন কৰিবলৈ কোৱা হৈছিল। বিচিচিআইৰ এজন বিষয়াই লগতে কয় যে উত্তৰ মণ্ডলৰ পৰা ছেহৱাগ আছিল একমাত্ৰ বাস্তৱসন্মত বিকল্প।
৪৪ বছৰীয়া ছেহৱাগে শেষবাৰৰ বাবে ২০১৩ চনত আন্তঃৰাষ্ট্ৰীয় ক্ৰিকেট খেলিছিল যদিও ভাৰতীয় ক্ৰিকেটত তেওঁ অৱসৰৰ পাছতো সক্ৰিয় হৈ আছে। সংবাদ মাধ্যমৰ ষ্টিং অপাৰেচনৰ পাছতে বিচিচিআইয়ে পদৰ পৰা বৰ্খাস্ত কৰে চেতন শৰ্মাক। চেতন শৰ্মাক প্ৰাক্তন অধিনায়ক বিৰাট কোহলী আৰু মুখ্য প্ৰশিক্ষককে ধৰি খেলুৱৈৰ সৈতে জড়িত গোপনীয় তথ্য প্ৰকাশ কৰা দেখা গৈছিল। চেতনৰ ঠাইত নৰ্থ জ’নৰ পৰা নিৰ্বাচক হিচাপে আৰু বাছনি পেনেলৰ অধ্যক্ষ হিচাপে চেতনৰ প্ৰাক্তন ক্ৰিকেটাৰ শিৱ সুন্দৰ দাসক নিযুক্তি দিয়া হৈছিল।
আৰু পঢ়ক : আইচিচিৰ টেষ্ট ক্ৰিকেটাৰৰ ৰেংকিং
Continue Reading
