ডিজিটেল ডেস্কঃ কৰমণ্ডল এক্সপ্ৰেছৰ দুৰ্ঘটনাত ২৭৫ গৰাকী যাত্ৰীৰ মৃত্যুৰ ঘটনাৰ কঁপনি মাৰ নৌযাওতেই ওড়িশাত সোমবাৰে পুনৰ আন এক ৰে’ল দুৰ্ঘটনা সংঘটিত হয়। বালাচোৰৰ বাহানাগা বজাৰত সংঘটিত ৰে'ল দুৰ্ঘটনাৰ চাৰি দিনৰ পিছত সোমবাৰে এখন মালবাহী ৰে'ল ৰাজ্য খনত লাইনচ্যুত হয়।
বৰগড় জিলাত এখন মালবাহী ৰেল লাইনচ্যুত হোৱাৰ খবৰ আহি পৰিছে।অৱশে্যে এই দুৰ্ঘটনাত কোনো লোক আঘাতপ্ৰাপ্ত হোৱাৰ খবৰ পোৱা হোৱা নাই।মালবাহী ৰে’লখনে চূণশিল কঢ়িয়াই লৈ গৈছিল বুলি জানিব পৰা মতে। কি কাৰণত মালবাহী ৰেলখন লাইনচ্যুত হৈছে সেয়া এতিয়াও জানিব পৰা হোৱা নাই। ঘটনাস্থলীত আৰক্ষী তথা উদ্ধাৰকাৰীৰ দল উপস্থিত হৈছে।
ডুংৰি চূণশিলৰ খনি আৰু বৰগড়ত থকা চিমেণ্ট কাৰখানাৰ মাজৰ ৰে’লপথতে এই দুৰ্ঘটনাটো সংঘটিত হোৱা বুলি ৰে'লৱে সূত্ৰই প্ৰকাশ কৰিছে।উল্লেখ্য ওড়িশাত শুকুৰবাৰে সন্ধিয়া ৬.৫৫ বজাত চেন্নাই অভিমুখী কৰমণ্ডল এক্সপ্ৰেছ লাইনচ্যুত হৈছিল।
বেংগালুৰু-হাওৰা চুপাৰফাষ্ট এক্সপ্ৰেছ খনো সেই ঠাইত দুৰ্ঘটনাত পতিত হৈছিল ।দুৰ্ঘটনাটোত ২৭৫ জন লোক নিহত হৈছিল। দুৰ্ঘটনাটোৰ ৫১ ঘণ্টা পিছত দেওবাৰে নিশা ১০.৪০ বজাতবালাছৰৰ ৰেলপথেৰে প্ৰথম খন মালবাহী ৰেল চলোৱা হৈছিল। পিছত,পুৱা ১১২.০৫ বজাতআন এখন ৰে’ল চলোৱা হৈছিল।এনে প্ৰচেষ্টাৰ মাজতে আজি পুনৰ আন এখন মালবাহী ৰে’ল লাইনচ্যুত হ'ল।
Continue Reading
