ডিজিটেল ডেস্কঃ এগৰাকী যুৱকৰ সৈতে পলাই গ'ল কন্যা। এই কথাত মৰ্মান্তিক আঘাত পালে পিতৃ-মাতৃয়ে। কন্যাৰ কৰ্মত দুখিত হৈ তেওঁলোকে ল'লে এক কঠোৰ সিদ্ধান্ত। জীৱিত কন্যাক মৃত ঘোষণা কৰিলে পিতৃ-মাতৃয়ে। ৰাজস্থানৰ ভিলৱাৰা জিলাত ঘটিছে এই ঘটনা।
নিজ জাতিৰ যুৱকৰ সৈতেই পলাই গৈছিল প্ৰিয়া জাট নামৰ যুৱতীগৰাকী। পৰিয়ালৰ অভিযোগত আৰক্ষীয়ে ছোৱালীজনীক উদ্ধাৰ কৰে। পৰিয়ালৰ লোকৰ উপস্থিতিত প্ৰিয়াৰ সৈতে কথা পাতিছিল আৰক্ষীয়ে। প্ৰিয়আই পৰিয়ালৰ লোকক চিনি পাবলৈ অস্বীকাৰ কৰিছিল আৰু যুৱকজনৰ লগত গুচি গৈছিল।
কন্যাৰ এই সিদ্ধান্তত পৰিয়ালটোৱে ইমানেই আঘাত পাইছিল যে তেওঁলোকে নিজৰ কন্যাক মৃত বুলি গণ্য কৰি এটা ডাঙৰ সিদ্ধান্ত লৈ পেলালে। কন্যা মৃত বুলি শোক বাৰ্তা ছপা কৰিলে পৰিয়ালৰ লোকে। য'ত যুৱতী গৰাকীৰ ফটোও আছে আৰু জীৱিত অৱস্থাতে মৃত বুলি উল্লেখ কৰিছে। যুৱতী গৰাকীৰ ১ জুনত মৃত্যু হয় আৰু ১৩ দিনৰ পাছত মৎস্যস্পৰ্শৰ আয়োজন কৰা হৈছে বুলি লিখা হৈছে। সকলোকে উক্ত অনুষ্ঠানত অংশ ল'বলৈ আহ্বান জনায় পৰিয়ালৰ লোকে। চিনাকি আৰু আত্মীয়ৰ মাজত এই কাৰ্ডসমূহ বিতৰণ কৰা হৈছে।
পৰিয়ালৰ এই সিদ্ধান্ত আৰু শোকবাৰ্তা থকা কাৰ্ডখনৰ বিষয়ে ছ'চিয়েল মিডিয়াত চৰ্চা হৈছে। কাৰ্ডখনৰ ছবি ভাইৰেল হৈ পৰিছে।
Continue Reading
