ডিজিটেল ডেস্কঃ ওড়িশাত দুখন বাছৰ মাজত মুখামুখি সংঘৰ্ষত কমেও ১২ জন লোক নিহত হয়। এখন বিয়াৰ পৰা উভতি অহা বাছ এখনে মাজবাটতে আন এখন বাছক খুন্দা মাৰে। এই ঘটনাত একেটা পৰিয়ালৰ সাতজন সদস্যসহ মুঠ ১২ গৰাকী লোক নিহত হয়।
ঘটনাটোত আন সাতজন আহত হৈছে। ঘটনাটো ওড়িশাৰ ব্ৰহ্মপুৰ অঞ্চলত সংঘটিত হৈছে। বাছখনে দেওবাৰে নিশা ব্ৰহ্মপুৰ টাপ্পানি ৰোডহৈ দিগফণ্ডিলৈ গৈ আছিল।বাছ খনত থকা সকলো যাত্ৰী বিয়াৰ পৰা উভতি আহিছিল। বিপৰীত দিশৰ পৰা অহা এখন যাত্ৰীবাহী বাছৰ সৈতে বাছখনৰ হঠাতে সংঘৰ্ষ হয়। দুৰ্ঘটনাৰ খবৰ পোৱাৰ পিছতে ঘটনাস্থলীত ব্ৰহ্মপুৰ আৰক্ষী ঘটনাস্থলীত উপস্থিত হয়।
আহত যাত্ৰীসকলক বাছ দুখনৰ পৰা উদ্ধাৰ কৰা হয় আৰু স্থানীয় চিকিৎসালয়লৈ লৈ যোৱা হয়। দুৰ্ঘটনাটোত মুঠ ১২ জন লোকৰ মৃত্যু নিশ্চিত কৰা হৈছে।
আহতসকলক দিগাফাণ্ডিৰ এমকেচিজি চিকিৎসা মহাবিদ্যালয় চিকিৎসালয়ত চিকিৎসাধীন কৰোৱা হৈছে।দুজনক কটকৰ এছচিবি চিকিৎসা মহাবিদ্যালয় চিকিৎসালয়লৈ স্থানান্তৰিত কৰা হৈছে। তেওঁলোকৰ অৱস্থা সংকটজনক বুলি জানিব পৰা গৈছে।
ওড়িশাৰ বিশেষ সাহায্য আয়োগে দুৰ্ঘটনাটোত আহত সকলৰ চিকিৎসাৰ বাবে প্ৰতিজনৰ বাবে ৩০,০০০ টকাৰ অনুদান ঘোষণা কৰিছে। দুৰ্ঘটনাটো কেনেকৈ সংঘটিত হ’ল সেই বিষয়ে আৰক্ষীয়ে অনুসন্ধান কৰি আছে।
Continue Reading
