ডিজিটেল ডেস্কঃ ওড়িশাত পুনৰ সংঘটিত হৈছে ৰে’লত অঘটন। ৰাজ্য খনত এইবাৰ পুৰী-দূৰ্গ এক্সপ্ৰেছৰ এচি দবাৰ ব্ৰেক পেডত জুই লগাত আতংকিত হৈ পৰে যাত্ৰীসকল।
ইষ্ট কোষ্ট ৰেলৱেই এক বিবৃতিত কয় যে বৃহস্পতিবাৰে সন্ধিয়া খাৰিয়াৰ ৰোড ষ্টেচনত উপস্থিত হোৱাৰ লগে লগে ৰে'লখনৰ বি-৩ দবাত ধোঁৱা ওলাই থকা ধৰা পৰে। বিষয়াসকলৰ মতে ঘৰ্ষণৰ বাবেই ব্ৰেক পেডত জুই লাগে।খাৰিয়াৰ ৰোড ষ্টেচনত সংঘটিত এই ঘটনাৰ পিছতে দবাটো আঁতৰাই পেলোৱা হয়।
অৱশ্যে এই ঘটনাত কোনো লোক হতাহত হোৱা নাই। বৃহস্পতিবাৰে নিশা ১১:০০ বজাত ৰেলখনে পুনৰ ষ্টেছনটোৰ পৰা প্ৰস্থান কৰে। উল্লেখ্য ওড়িশাত শেহতীয়াকৈ সংঘটিত কৰমণ্ডল এক্সপ্ৰেছৰ দুৰ্ঘটনাত ২৮৮ গৰাকী যাত্ৰী নিহত হৈছে। এতিয়াও ১০১ টা মৃতদেহ চিনাক্ত নোহোৱাকৈয়ে মৰ্গত পৰি ৰৈছে।
Continue Reading
