সন্তানৰ ফলাফলত সুখী পিতৃ-মাতৃ; দশম শ্ৰেণীৰ পৰীক্ষাত সন্তানে ৩৫% নম্বৰ লাভ কৰাৰ বাবে হাঁহিমুখেৰে কৰিলে উদযাপন

সাধাৰণতে আমি দেখিছো অভিভাৱকে নিজৰ ল'ৰা-ছোৱালীয়ে পৰীক্ষাত উচ্চ নম্বৰ লাভ কৰিলে তেওঁলোকৰ সফলতাক উদযাপন কৰে কিন্তু ছাত্ৰ বিশাল কাৰাদৰ অভিভাৱকসকলে এক ডাঙৰ আদৰ্শ দাঙি ধৰিছে৷তেওঁলোকৰ পুত্ৰই ৬টা বিষয়তে ৩৫ শতাংশ নম্বৰ লাভ কৰাৰ পাছত অতি হাস্যবদনে উদযাপন কৰে৷

পৰীক্ষাত উত্তীৰ্ণৰ হোৱা বিশালৰ ন্যূনতম শতাংশ ৩৫ শতাংশ আৰু মুম্বাইৰ থানে অঞ্চলৰ মাৰাঠী মাধ্যমৰ বিদ্যালয়ৰ ছাত্ৰ বিশাল কাৰাদে পৰীক্ষাত উত্তীৰ্ণ হোৱাৰ কথাও নিশ্চিত নাছিল। বিশালৰ দশম শ্ৰেণীৰ শিক্ষাবৰ্ষ আৰম্ভ হোৱাৰ ঠিক সময়তে বিশালৰ পৰিয়ালটো শিৱৈ নগৰৰ পৰা উত্তৰসৰলৈ আহিছিল।বিশাল দৰিদ্ৰ পৰিয়ালৰ এজন কিশোৰ কাৰণ পিতৃ অটোৰিক্সা চালক আৰু মাক ঘৰুৱা কাম কৰা এগৰাকী মহিলা৷এই আৰ্থিক সমস্যাৰ মাজতো বিশালৰ পিতৃ-মাতৃয়ে পঢ়া-শুনাৰ লগত আপোচ কৰা নাছিল। বিশালে কয় যে তেওঁৰ পিতৃ-মাতৃয়ে তেওঁক ভাল প্ৰদৰ্শন কৰিবলৈ উৎসাহিত কৰি থকাৰ বাবেই তেওঁ পৰীক্ষা উত্তীৰ্ণ কৰিবলৈ সক্ষম হৈছিল আৰু তেওঁ কয় যে তেওঁ পিতৃ-মাতৃক উন্নত ভৱিষ্যত দিয়াৰ স্বাৰ্থত আৰু অধিক পঢ়া-শুনা কৰিব বিচাৰিব।

বিশালৰ দেউতাকে কয় যে বহুতে নিজৰ ল’ৰাৰ উচ্চ নম্বৰ পোৱাৰ উদযাপন কৰে কিন্তু তেওঁলোকৰ বাবে বিশালৰ ৩৫ শতাংশ অতি উল্লেখযোগ্য কাৰণ তেওঁলোকৰ পুত্ৰই দশম শ্ৰেণীৰ পৰীক্ষাত উত্তীৰ্ণ হৈ তেওঁলোকক গৌৰান্বিত কৰিছে।বিশাল আৰু তেওঁৰ পিতৃ-মাতৃলৈ অভিনন্দন!