ডিজিটেল ডেস্কঃ ''অপৰাধী আৰু মাফিয়াৰ পৰা ভয় খোৱাৰ একো কাৰণ নাই। এতিয়া সেইবোৰ অতীত। ইয়াত ‘দাদাগিৰি’ৰ ঠাই নাই। উত্তৰ প্ৰদেশ এতিয়া সম্পূৰ্ণ সুৰক্ষিত।’’- উত্তৰপ্ৰদেশৰ শেহতীয়া পৰিস্থিতিৰ বিষয়ে মুখ্যমন্ত্রী যোগী আদিত্যনাথে এইদৰে কৈছে।
উত্তৰপ্ৰদেশৰ ছাহাৰানপুৰত এখন ৰাজহুৱা সভাত তেওঁ এইদৰে কয়৷ তেওঁৰ কয়- "এতিয়াৰ পৰা কোনো মাফিয়া বা অপৰাধীৰ পৰা ভয় খাব নালাগে। আজি উত্তৰ প্ৰদেশ ভয়ৰ পৰা মুক্ত।”
যোগীয়ে পূৰ্বৰ চৰকাৰৰ ছবি আৰু তেওঁৰ চৰকাৰৰ দিনত হোৱা অপৰাধৰ ছবিৰ মাজতো তুলনা কৰে। তেওঁ কয়- "আগতে দুস্কৃতিকাৰীৰ ভয়ত ৰাজ্যৰ ছোৱালীবোৰে ক'তো পঢ়িবলৈ যাব পৰা নাছিল। কিন্তু এতিয়া ছবিখন সম্পূৰ্ণ সলনি হৈছে। আইন, শাসন আৰু অপৰাধ প্ৰতিৰোধৰ ক্ষেত্ৰত উত্তৰ প্ৰদেশ চৰকাৰৰ ভূমিকা আজি সমগ্ৰ দেশৰ বাবে এক আদৰ্শ হৈ পৰিছে।"
যোগীয়ে লগতে মন্তব্য কৰে যে তেওঁৰ চৰকাৰৰ শাসনত ৰাজ্যৰ ক’তো দাঙ্গা হোৱা নাই। যোগীয়ে দাবী কৰিছে যে আগতে উত্তৰ প্ৰদেশ মাফিয়া, অপৰাধীৰ দুৰ্গ বুলি জনা গৈছিল, এতিয়া সেই ছবিখনো সলনি হৈছে। তেওঁৰ ভাষাত "আজি বিশ্বই উত্তৰ প্ৰদেশক মাফিয়াৰ বাবে চিনি নাপায়, সমগ্ৰ বিশ্বই উত্তৰ প্ৰদেশক সংস্কৃতি আৰু উৎসৱৰ বাবেহে চিনি পায়।"
Continue Reading
